منتديات بني بحير بلقرن - قصيدة مهداه للشيخ / عبدالرحمن بن وهاس ،، وقبايل بني رزق الكرام.


	يالله يامعبود ياعالم الغيب يامنزلٍ سورة تبارك والانفال أسألك جنبني شرور الغياهيب اسألك تكفيني من احقادالانذال أفصح لساني والقوافي مناديب عسى ان تجمل في مقام التجمال اما نحرت من الشعر شمخ النيب ولاّ فعقبني عن البن بالحال الشعر موقف والجزايل مطاليب واخطف جزيلاته على كل الاحوال شاعر واعد الجزل لي دايم اصحيب وأرسي على الماقف كما ترسي أجبال والشعر حكمه مايجي بالمشاعيب ياللي تجر الهزل فالقوم موال الموهبه ترقص طرب للمواهيب والذرب مايقفاه فالقوم حيّال قرن الوضيحي مابعد خافه الذيب والنمر ماتغتاله اسراب الاغوال والشعر له معنى ويحتاج اساليب ماهوب في قولة يالاله يالا لال من بعدها للرحب مبدأ وتهذيب يامرحبا ياللي نسوق له الامثال حياالله المنصوب سيد المناصيب عداد ماهمل من الغيم همال ابو حسن قيدومنا راعي الطيب شيخٍ فعوله غير عن كل الافعال مايعرف التقصير راع المواجيب شيخٍ له العليا وهو طيّب الفال شيخٍ شجاع وللمراجل مكاسيب النادر اللي فيه جزلات الخصال يجيب جزلات التراحيب ويجيب اللي يجمل من جزيلات الاقوال مقدام ب افعاله رقى للـ مراقيب ومعرب الجدين فـ عمام واخوال مايعرف النمة ولا يلحقه عيب ومايعرف الغيبه ولا القيل والقال جاب المعالي يوم فتل الاشانيب وافعوله تجمل وللصعب حلاال مدات كفه للخوي والاجانيب هداج يروي من حداه أشهب اللال للضيف والزوار ساق التراحيب راعي مكارم للوفا مضرب امثال وامدح (حسن) نايبك راعي تجاريب شجاع وافي رجل من ظهر رجال عون الذي فرت عليه الدواليب انا اشهد انه للعرب فيّ واظلال واللي صعب والله ماشافه صعيب هو يرتكي للصعب وحمولٍ اثقال قيدوم لابه ماتجيه العذاريب عز الله انه كفو واعلومه اجزال طالع لـ(عبدالله) عطيب المضاريب والشبل من ذاك الأسد نعم الاشبال من بعدها للعلم قيمه وترتيب والشعر للمعنى تسلسل تسلسال لسان قومي وابعد الشك والريب حنا بني طارق وللجود مدهال ال طارق اللي ترعب الخصم ترعيب ازوالهم ضلعان ياحي الازوال فوق الاصايل فوق حرش العراقيب وقفاتنا غاراتنا عالي العال الطيب والله مانجنبه تجنيب جينا محبه يابن وهاس واجلال جينا نهنيكم تهاني الاقاريب فـ رجعتك ياللي لك الطيب منزال يابو حسن ياللي لك الشاب والشيب جوكم محبه رغم عن بعد الاميال حطوك ربعك تاج فوق المناكيب وانت الذي للشور ناقض وفتال وانت الصقر يوم الجمايل رعابيب صيدك سمين ووقفتك مالها امثال انته ذرانا ياسليل المعاريب غيم السعد برقك على العز شعال بين القبايل شامخ الراس ومهيب للمجد بشت وللمروات دسمال نرفع لك البيضا بروس الشخانيب واذكر فعولك في هجيني وعوبال واقول يانسل الحرار المناجيب برلين تشهد لك على مر الاجيال يوم المنابر بنت ولها خطاطيب غازلتها واتقنت فيها التغزال أنتم لها في بعد معنى وتقريب والبنت فيكم يابن الأحرار تختال لبستها طوقٍ تضمّخ به الطيب وامجادكم في جيدها الحلو سلسال انت الكريم ومن كبار المعازيب تكبر بك القالات واعزومك اطوال واحنا بني رزقٍ كرام المناسيب لان القنا ياشيخ له حد واسلال محزم ظفر واتشوف منا التعاجيب لاصتكت الأيام جالٍ على جال يوم الرمك ترزم نعكْف المخاليب والضد عند الحد نسقيه الاهوال حنا بني رزقٍ سوات المشاهيب مدقالنا يطغى على كل مدقال رزق السراه الين تاصل هل السيب والي قنونا منجبت كل الابطال ريف الخوي والضيف سقم المحاريب وافعالنا في قمة المجد تمثال نبني محاجي والبنادق مزاهيب والرمي لأسواق المنيّات دلاّل للناس جودٍ مثل وشل الموازيب وحنا كرمنا بحر وامواجه اجبال قبيلةٍ للجار تصفي المشاريب اهل العطا والجود واكرام السبال ثم الصلاة على النبي والاصاحيب والتابعين السنت الهدي والآل شعر: عبدالله سحيم القرني