منتديات بني بحير بلقرن

نثرت ورد الشعر واخترت مالاق
باقة قوافي مزهره بالموده

تكمل معانيها على حب واشواق
من خافقٍ لازم على الحب عهده

حبٍ على درب الكرامات ينساق
يشمخ براسي كل ماقيل بده

سيلٍ من امزان الطهارات دفاق
آليا تبسم بارقه ضحْك رعده

يروي ضمى قلبٍ شكى يبس الارياق
درع الذي غارات الأيام ضده

ياحظ عبدٍ فيه شاف التوفاق
وضح النقى ماشي على حسب بنده

ماهوب في ليلى ولا هوب فـ اشواق
هيهات ياللي للهوى ماس قده

حبي صرفته للمعالي والاخلاق
والشعر صقرٍ للمكارم نهده

حب النبي واصحابه انوار الافاق
والآل واللي سار فالنهج بعده

حبي صرفته للعباده بميثاق
حبٍ صرفته بين دمعه وسجده

وأحب مكه حب من وسط الاعماق
والعشق في طيبه كما البحر حده

لاحشرجت والتفت الساق بالساق
حب ان توسل به ولله مرده

يالله ياللي للمخاليق رّزاق
ياعالمٍ بوحي ويدري بسده

اجعلنا القرآن زادٍ وترياق
والباسنا التقوى بيسرٍ وشده

افضل عمل ماكان للآخرة باق
والباقيات الصالحه خير عده

وختامها مالاح فالنو براق
صلوا على طه والاصحاب جنده

شعر/ عبدالله سحيم القرني