منتديات بني بحير بلقرن - الشاعر /عبدالله سحيم القرني يرثي "اباه رحمة الله عليه"

رثاء في ابي , رحمه الله تعالى رحمةً واسعه واموات المسلمين اجمعين .

الموت حق وكلنا راحلينا
مابه مخلد والفلك يستديري

الموت نهر وكلنا شاربينا
الشاب والشايب وطفلٍ صغيري

اي والله انه ياعرب ماحترينا
والرابح اللي كسْب حسن المصيري

ياللي يسار الدرب خلك يمينا
ابليس بالمرصاد ملعون صيري

اقولها والحزن خيم علينا
من غير سابق وعد ولى نذيري

أبويه اصبح وسط قبره دفينا
والحزن عقبه ملتهب في ضميري

عينٍ بها ذكراك تبقى - وعينا
من حزنها دمعٍ تهله غزيري

يابوي ليت الموت يختار فينا
وأقول خذني عنه لوتستشيري

مشتاق اشوفك يارفيع الجبينا
مشتاق أشوفك لو بوقتٍ قصيري

ياصعب نسيانك وكلي حنينا
صوتك وضحكاتك حنينٍ مثيري

قنصك قصصه وصرخة المارتينا
من فوق كتفك في حضوضى الوعيري

في ذاكرة شوقي نقشها الانينا
نفحات ذكرى مثل نفح العبيري

يبكيك دربيلك وشونك حزينا
والبندقه تشكي فراقٍ مريري

نبكيك يابويه بكاء السجينا
مظلوم في سجن الاعادي اسيري

مانام في ليله مع النايمينا
مايهتني زادٍ ومايٍ نميري

الشوق يضمي واحنا والله ضمينا
نضماك لقيا بس وين الغديري

وعل واشرب واستبيح الكنينا
يابوي وضعي صار بعدك خطيري

من بعد موتك للخلايق نعينا
اموات في ثوب الحياه الزريري

مرحوم ياللي كنت حصنٍ حصنيا
ياما بظله فالملا نستجيري

كنته ذرانا عن عجاج السنينا
فـٓ الطيب والجودات مالك نظيري

مرحوم ياعودٍ بصيتك رقينا
للمجد والعليا برجمٍ شهيري

يادرعنا الواقي ليا مابتلينا
ياسيفنا اللي كان حده شطيري

مرحوم ياللي ماجفا الاقربينا
يالبسنا وقت الشتا والهجيري

مرحوم ياللي للمنادي عوينا
مايذخر الفزعه لو انه كسيري

الطيب منهاجه بعسرٍ ولينا
في طيبته بالذات ماله خشيري

يابوي واحنا في طريقك مشينا
نهجك يشرف يامليكي واميري

يستاقني حزني كـ سوق الضعينا
على جحيم الهم والزمهريري

الحمدلله بالقدر قد رضينا
لان القدر نرضاه شرٍ وخيري

والصبر حبلٍ نقضبه في يدينا
واللي صبر في كل حسنه جديري

شعر : عبدالله سحيم القرني