منتديات بني بحير بلقرن - كـــحـــل عـــيـــونـــهــــا

السلام عليكم ورحمة الله وبركاته

هذا رد على قصيدة ( حبيبتي ) للشاعر الكويتي سعد بن علوش

ومن لا يعرف قصيدة الشاعر سعد فهذا نصها :

حبيبتي تحفة من النوع الفريد ** لا جـيـت أبمدحها أخـاف أذمها

لأن المديح بها ينقّص ما يزيد ** ولأنها ملاك وطايش وما همها

متمرده وفي عقل هارون الرشيد** وبالزين ما عذرا توقف يمها

لو قستها مثـلاً على الجيل الجديد ** تـحـط حلـيمه بولند فـ كمها

من غَيَّها السادات سُوَّاد العبيد ** تـحـر وتبرك عنـد ركبة عمها

الــرد

جيت أوصف الغالي لكن الوصف ماهو بالقصيد

أقــرب مـثـال لـوصـفــهــا أقــول تـشـبـه لأمَّـهـا

لـو جيت أبوصف حسنها سبحـان خــلاَّق العبيد

اللي جـمـع فـيـهـا كـرم بـوهـا وطـيـبـة عَـمَّـهــا

متميزه فـي خـلـقـهـا حـتـى عـلـى الجيل الجـديد

وقـد قــال ابن علـوش مـا عـذرا تـوقــف يـمَّـهـا

فيها مـن الـعـفَّــه كيـان ولها من الحكمه رصـيد

وبـهـا الحـيـاه تـقـول مـاغـيـر البحـيـري ضمَّها

هـذيـك يـوم أشـوفـهـا أقـول هـذا يــوم عـــيــــد

وأذوب مــثـــل الـثـلـج بين أحضــانهـا وآلمَّـهـا

وأضيع في عـالـم مـلاه الطهـر والعيش الرغيد

ما بين كـحـل عـيـونـهـا .. إلين مـبـسـم فـمَّـهـا

الرد من كلمات الشاعر : حمود بن عواض البحيري // حدي نظر