|
كان في قلبه مدينه ... كان في قلبه مدينه وحلم يكبر وسط عينه وبيدينه .. يمسح الدمعه الحزينه وياسمينه ذابله تحكي سنينه وكان يقرأ الكف ... في صفحة عذابه وكان يرسم للمسا فجر ..... بكتابه وداخله ... وش داخله ؟؟! غير هم ماعرف وش أوله من آخره وأنتي ياحلم ... المدينه بالجفا ليه ... تقتلينه *** في سما عينه بروق وورد ينبت بالعروق كيف ياعطر المدينه الورد ينبت بالعروق ؟؟! ياغيابه .. وين يلقى .. جرح بأعماقه .. جوابه والسحابه .. في ملامحها شبابه ومالمست إلا ضبابه ياتراتيل الجروح عـــلــميني .. وين اروح ؟؟ والتفاصيل الصغيره صمتها به ألف بوح وأنتي ياحزن ... المدينه ليه قلبه ... تجرحينه *** ليه ياذاك الجفا تقسى عليه .. هو صحيح الحب فات وإلا هو بالأصل مات وإلا انا إلي كنت جاهل وماأميز.. بين وجه يرفضه خوف المرآيا ووجه له .. في دفتر أحلامي حكايا !! وقصة العاشق مثيره وفي زوايا غرفته صورة .... أميره تكسر غرور الصبايا إيه ياهمس الشفايا وين أجيه .. وكيف أجيه .. والدروب إلي اجيها ماتوديني ...المدينه *** كان يحلم بإبتسامه ونور يضوي له ظلامه وكان يحلم .. لو يطول الشمس بيده ولو يدق الحظ بابه وكان يحلم .. ينسى همّه آآآآآه يايمه وش جراله .. من عرف وجه المدينه صار يسهر وإنتظار الصبح يقهر وكان يحلم .. في دفا حضن يلمه ولمسة كفوف تضمه ومايهمه .. لو يجيه الموت باكر وتنطفي أنوار المدينه *** سامحيه إن كان ظالم وأعذريه إن كان واهم وأفتحي له باب رحمه وأحتوي خوفه وهمه وأغفري زلة خفوقه كل نبضاته تحبك إيه ......... تحبــك أزعجه حلم بمنامه وقام .... يبكي وراح .... يشكي آآآآآه ياليل المواجع كل ماغربت عنه حنيت راجع ياوجوده .... ياوجوده كل ماقرب مايشوفك ألتقاك ابعد .. حدوده ليه ياعطر المدينه وش حصل بينك وبينه؟؟!! *** ياعذابات الليالي ... وش جرا مني بحالي ليه تبكين المشاعر وتقتلين إحساس شاعر وليه ياذاك الجفا مابك ... وفا وليه يالصرخه الدفينه بالصدر مالك شروق وين يهرب .. والدروب إلي يجيها كلها توصل لبابك والمسافه .. لو تطول يلقاك قربه ولا أنت أكثر من حلم .. ولا هو إلي لك مصير بس لو تسمحين قبل عنه ترحلين جففي الدمعه بموقه أقتلي النبض بخفوقه واطوي الصفحة الأخيره ولا تعودي ... ياوجودي ولايهمك .. لو يعيش العمر كله خارج اسوار ... المدينه!ِ |
رد: كان في قلبه مدينه ... جمال في الكلمه ...لا حدود له.... رونقه فضفاضه .... تهمي بها هذه المساحه .. التي ...تمزق..كل مايحدها.. سيدي أكرر كلمات أعجابي..طويلا وقررت ان الصقها هنا بين يديك.. |
رد: كان في قلبه مدينه ... قبل أن أودع هذا المنتدى أبت نفسي إلا أن أثني على إبداعاتك ياملك الشعر والخواطر فواصل إبداعاتك دوماً وأبداً ....... |
رد: كان في قلبه مدينه ... صاحب القلم الماسي وائــل الغامدي صــح نبضكـ انت هنا لم تصب علينا الجمال كلا .. بل جعلتنا ننغمس في نهر من الجمال ما اروع ما رسمته بنانك ! فـ امام هذا الابداع لا مكان لبعثرة البوح بين اسطره فقد آمنت ان الجمال.. لا يعبر عنه بابجديه من صنع الانسان لان صنع الانسان لابد وان يشوبه خلل فـ حرام مثل ما اراه من ابداع يوصف بالكمات .. مـــودتي ... |
| الساعة الآن 08:05 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن