ياللي تبيني حولك اليوم والغـدّ ياللي تبيني حولك اليوم والغـدّ . . . . . . وأجمل أوقـــاتــك وقتـنـا لو جمـعنا نفس الشعور أحمل ولاوقفتي ضدّ . . . . . . نفس العـــلاج اللــي يشتت وجــعنا لكن انا وقتي رسم لي وحــــددّ . . . . . . مانجتمــع حتــى لو جيــنا رجــعنا الوقت واقف وأعلن المنع واللدّ . . . . . . أغـــرانا لكن بالنهـــايــــه منــــعنا يعني يجمعنا شيّ ماهو مؤكــدّ . . . . . . والمستحيل اقـرب من قصّـة سمعنا والخطوة أوقفها كثير الترددّ . . . . . . والوقت أنكــرمامشيــنا وقطـــــعنا أشوف دونك يكتمل مطلب النـدّ . . . . . . وتشـوف دونـي بنخفــاضٍ ولــعنا واشوف دونك مابقى من أمل شـدّ . . . . . . أقفى ورى شمس الغروب بطمعنا غابت الشمس وكنت واقف على سدّ . . . . . . عن مستوى سطح البسيطه رفعنا نتابــع آآآخــــر ماتبقــى من الودّ . . . . . . لين أختـفى والليــل دونــه منــعنا وبقيت حتى الليل مع الفضا أمتـدّ . . . . . . وكفكف عليّ من الفضا ماوسـعنا وقلت آآآه ياقلبي كفى . الحيل إنهـدّ . . . . . . كم لـي وكم لـك مـاشـريـنا وبـعنا ذاك أختفى وهذا رحل وانت لابـد . . . . . . أما معــــاهـم أوّ ياقلـب مــــعنا من ارتوى ياقلب صدّر ولا ردّ . . . . . . ومن رد مايـرجـــــع لعـــدٍ تبـعنا هذا هو خوفي واطلبك واتـوددّ . . . . . . ياقلـب لو عــانــدت تهنا وضـعنا انا معك ياقلب متعب ومجهدّ . . . . . . يكفـي شقـى يكفــي بنـاره وقـعنا صارت سراب ولاهب القيض يشتـدّ . . . . . . نهــايــة القصّـة بالذكـرى طلـعنا يكفيني أتسلّى بــذكــراه لوصـدّ . . . . . .ويكفـيه يتســلّى بــذكــراي دعنا يحبني نعم واحبه بلا حـــدّ . . . . . . لــيه القضـيّــه قنبــلة مجتمــعنا لازم ولد عمه وجده لهم جَـدّ . . . . . . والله مـاتســوى شروطـه فـزعنا لكن كذا الايام بالمزح والجِـدّ . . . . . . تضحك وتحرق بالخفا ماصنــعنا شعر فضي الهدباني |
رد: ياللي تبيني حولك اليوم والغـدّ صح لسانك |
الساعة الآن 05:22 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن