منتديات بني بحير بلقرن - طريقه عمل الفلفل المخلل هلابينو الحار بالطريقه المكسيكيه

طريقه عمل الفلفل المخلل هلابينو الحار بالطريقه المكسيكيه

http://3.bp.blogspot.com/-oIvP7GHsFO...25283%2529.jpg

المكونات:
1 كيلو فلفل اخضر حامي
1بصله
8 فصوص ثوم
2 ازازه خل
3 معالق زعتر
ملح
1/4 كوب زيت زيتون
فلفل اسود
طريقه التحضير:-
- بما اننا ماعندناش فلفل هلابينوفمصر فممكن نستخدم الفلفل الاخضر الحامي بس بيبقي في فلفل لونو اخضر فاتح وفي فلفل لونو اخضر غامق نستخدم الغامق ده
لانو بيكون تخين ويستحمل انو يتخلل
- نقطع الفلفل اى تقطيعه عاوزينها ممكن شرايح زي الصوره كده وممكن نقسمو علي 2 بس المهم نفتح الفلفل
- نفرم الثوم ناعم والبصل
- في حله عالنار نحط زيت زيتون وننزل بالبصل والثوم
- لما يدبلو ننزل بالفلفل ونقلب علي طول. نفضل نقلب الفلفل 5 دقايق لو الكميه كيلو
لو اقل من كيلو نشوحو تشويحتين بس وننزل عليه بالخل والملح والفلفل والزعتر
- المهم يكون الخل مغطيه . اول ما يغلي نرفع الحله من عالنار ونسيبها علي جمب
- لما يبرد ممكن نحطو فبرطمنات ونقفلو كويس ونحطو ف التلاجه
- ممكن يقعد معانا اكتر من شهر بس المهم يكون البرطمان مقفول كويس