منتديات بني بحير بلقرن

يامرحبا حييت ياطير حوران

يامرحبا بك يالرفيق الشقاوي

الدار ياطايل لها اشكال والوان

فيها جمال الغيد ماهوب ياوي

لاجيت للمغرب تضمك بالاحضان

اترك بلاد النيل مامن تساوي

يكفيك عبدالله وزايد وسلطان

كبار الرجال اللي ترد الدعاوي

مصيافهم في وسط كازا وتطوان

دارن وهبها الله سحرن سماوي

ومالوم قلبك يوم غنيت طربان

قلبي غدن به يالمطيري له ازمان

من اول سنة تسعين قلبي هواوي

مزعوط انا بالزاف بالحيل ولهان

دايم وقلبي في هواها رجاوي

اجمع حصيلي ثم سافرت عجلان

غاوي ومن مثلي على الدرب غاوي

اروح للمغرب وانا البوك مليان

وارجع وبوكي يشهد الله خاوي

ولانيب متحسف ولانيب ندمان

هذي طرات العمر لاصرت هاوي

ويابو عبدالله لاصرت للدار شفقان

حنا مثل شرواك دايم نخاوي

اصبر لنا بالصيف عودة علشان

نسكن انا وياك جنب العطاوي