خواطر_فى_الاستثمار
 

الشراكة مثل الزواج فكما تحرص على اختيار شريك حياتك فكن أشد حرصاً عند اختيار شريكك فى التجارة

نصائح عامة لأصحاب المشروعات والباحثين عن التمويل :

- كشريك مدير متشغلش فلوس حد أبداً والى عاوز يشتغل معاك دخله شريك فى ورق الشركة بشكل رسمى ( فى أشكال قانونية كتيرة أفضلها الشركات المساهمة ) ، لو انت شريك ممول خلى بالك فى ناس كتيرة بتحتاجك ( فار مركب ) يعدى بيك مرحلة التأسيس ومخاطرها وصعوباتها التمويلية ولما يقف على رجليه يقولك أمك فى العش ولا طارت

- متشاركش حد بالفكرة والمجهود لازم الى هيدير يدخل معاك بفلوس ولو بشكل رمزى عشان لو كسبت تكسبوا سوا ولو خسرت يشيل معاك ويكون قلبه على الشغل مش واحد بيحاول يحقق أحلامه على قفا غيره

- رغم إن الصح والاحترافى هو الفصل بين رأس المال والإدارة لكن حاول متخدش قرار مصيري أو مهم فى الشركة إلا بعد الرجوع للشركاء ( المشاركين بالتمويل من غير مشاركة فى الإدارة ) ووثق موافقتهم ( زى محاضر الجمعية العمومية أو اجتماعات مجلس الإدارة وجروبات الواتس ) ، ونظم حساباتك وهات مع محاسبين الشركة مراقب حسابات خارجى محايد

- انتق شركاءك ، فحاول تتجنب الأقارب والأصهار بشكل مطلق ( فى سعة أكبر فى حالة الأصدقاء بشروطها ) ، وابعد عن الناس الى معاها فلوس وملهمش فى البزنس وخلى الأولوية فى شراكتك لابن السواق الممارس ( حتى لو فى نشاط بعيد عن شغلكم ) لأن غالباً هتلاقى عنده مرونة وتقبل لكل السيناريوهات ، ودا أفضل مليون مرة من مدعى التدين مثلاً الى هيقولك قال الله وقال الرسول والتجارة مكسب وخسارة وعند الجد هتلاقى الحمل الوديع بقى كلب بأنياب ومخالب

- قلل عدد الشركاء قدر الإمكان وخلى الأولوية فى حالة رفع رأس المال للشركاء الحاليين قبل ما تفكر تدخل شركاء جدد

جميع ما سبق عموميات وكل بند لها استثناءات

#خواطر_فى_الاستثمار

منقول