😭😭قصة ابكت الملايين 😭😭
 

أنا وأخوي كنا أعداء في صغرنا حتى عندما كبرنا.. كانت الوالدة رحمها الله تقول ياعيالي إنتم أخوان مالكم غير بعض،ومهما وقفوا معاكم الناس هم ناس ياعيالي.
والوالد رحمه الله كان دائما زعلان علينا ما يكلمنا وكلامه معنا رسمي جدا..
والسبب عداوتي أنا و أخويه
وكان دائما يقول للوالده الله يهديهم..
وراح يجي اليوم الذي يعرفون فيه قيمة بعضهم ويتذكرون كلامنا؛إن الاخ مايتعوض. ..و لو تألم الواحد فيهم قال أخ ماقال صاحبي أو صديقي.
وتزوجنا أنا وأخويه و زادت عداوتنا حتى زوجاتنا يوم يجتمعوا في بيت أبويه تصير مشاكل ..أمي وأبويه أحتاروا معنا كثير ويخافون يوقفوا مع احد يزعل الثاني وأستمرينا على هذه الحالة.
ماتت أمي و بعدها أبويه بخمسة سنين و بعنا أملاك أبويه و كل واحد فينا أخذ حقه ..وماعاد أحد فينا يدري عن الاخر،كبروا عيالنا ولو يتقابلوا والله ما أحد يعرف الثاني.
وفي يوم من الأيام و هنا الطامة الكبرى دخلت في الاسهم و خسرت كل إللي ورأي وقدامي وحالتي صارت تصعب على الكافر... مرضت بمرض السكري ومع الضغوط أصابتني جلطة أفقدتني عيني اليمين من كثر التفكير في حالي وفي عيالي لأني ضيعت كل شي في لحظة طمع.
وفي يوم و أنا أصلي الفجر بكيت ودعيت ربي وقلت يارب أرحم أمي وأبويه وأرحم ضعفي وقلة حيلتي و عوضني خير في عيالي،وفجأة..شفت صديق لي قديم كان جارنا وحنا صغار سلم علي وعرف عني كل شي وبعد اسبوع زارني في بيتي وقال أبي منك طلب قل تم قلت ابشر....قال هذا شيك بمبلغ وقدره ٥٠٠٠٠٠ الف ريال(نصف مليون)
ابدأ به حياتك من أول وجديد ويوم ربي يفرجها عليك أعتبرها دين.
سويت لي منها مشروع صغير والحمد لله ربي عوضني كل إللي فقدته.
وكل يوم أشكر الله ألف مرة وفي يوم أتفاجأت بصديقي يزورني ويقول لي؛أنا جيتك بأمر ضروري ما يحتمل تأجيل قلت له إذا على الفلوس أبشر يالغالي ترى الحمدلله ربك فرجها،قال الأمر أكبر بكثير قلت ماهي السالفه؟
قال ترى إللي أعطاك الفلوس أخوك وقال يا فلان أسألك بالله هذا سر بيني وبينك ماأقدر أشوف أخويه محتاج
وأتركه في هذه الحالة.
خذ هذا المبلغ وأعطيه لأخويه و لا يدري إنه مني….وأنا جيتك اليوم على شان تزور أخوك في المستشفى تراه بين الحياة والموت
على الأقل روح تسامح إنت وأخوك ترى أخوك يحبك.رحت أركض للمستشفى ودموعي تغسل كل كره السنين لأخويه ولد أمي وأبويه
دخلت غرفة الإنعاش وشفت أخويه عليه أجهزة في كل جسمه مسكت يده وحبيت رأسه وقلت سامحني
فتح عيونه وطالعني والدمع ينزل من عيونه وضم يده ليدي وشهق أنفاسه الأخيرة …أخويه مات كان ينتظر حضوري مات أخويه بين يدي.
كل جمعه أمر على قبره وأبكي وأتذكر كلام أمي ياعيالي إنتم أخوان
من وقف معي في شدتي إلا أخويه روحه مافارقت جسده إلا عندما شافني.
الأخ لا يعوض ..
(رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا)اللهم أحفظ لي أخوتي وأخواتي وأجمعنا على الخير في الدنيا والآخرة،،،💔
واليوم كم نشاهد من تقاطع بين الأخوه بل وحتى الأخوات والأقارب للأسف الشديد،،،تذكروا ثم تذكروا أن الدنيا زاااائله لامحااااال
قال تعالى :
(قَالَ سَنَشُدُّ عَضُدَكَ بِأَخِيكَ).
لم يختّر الله تبارك وتعالى من اﻷقارب لشد العضد إلا اﻷخ.... تأملوها ..!
أخوك وأختك ياقرة العين👀،،تحاشى كل مايوتر علاقتكما👋،،، ﻷنك لن تجد بالدنيا شخص يشد عضدك كأخيك !!..
❤❤🌹🌹
قرأتها فادمعت عيني
وسارسلها لأحبتي..لمن قاطع أهله،عليه أن يتوب ويتصالح معهم لايدري أي لحظه ستأتي إليه وتغرغر أنفاسه الأخيره ويفارق أهله وأحبته.
أقرؤوها بعناية ففيها من الحكم والعبر مايكفي وإن الحياة ماتستاهل وهي زائلة و ماتدوم 😥🌾🌾
🌹انشروها لكل أعزائكم و لا تنسونا من دعواتكم🌹
كما وصلتني وهي والله مؤثّره جداً والواقع فيه من نحو هذا كثير والله المستعان أرسلها لمن عندك ولاتحقر من المعروف شيئاً فلعل الله يهدي بها من حيث لاتشعر فيرفعك الله بها درجات ..