|
رد: سجل حضورك ببيت شعر ( متجدد ) يا صمت لا تفرض علـى هاجسـي صمـت عط هاجسـي فرصـة ليـا صـرت جـازم و عن خوض هرج النقص يا صمت قد ُصمت والصمـت حكمـة لأغلـب الهـرج هـازم |
رد: سجل حضورك ببيت شعر ( متجدد ) الجهل ( آفـة قـوم ) .. والعلم ( نبراس ) والنور في ( بيت العمى ) وش نتاجه ؟ من ( قمة الآمال ) لي ( حفرة الياس ) مريت .. في ( صفو ) الزمان و ( عجاجه ) ماعاد لي حق .. اتشره على الناس مدام كل ٍ .. يذكر اللي يواجه من لا يقوم ( بماجب الطيب ) بأحساس ! خله .. ( يوفر فزعته ) في علاجه اما تجي الفزعه .. من الراس للراس ولا فلا للناس بالناس .. حاجه..! |
رد: سجل حضورك ببيت شعر ( متجدد ) ندعس على الحيه وندعس على الداب وندعس على خشم الردي لو تمادى |
رد: سجل حضورك ببيت شعر ( متجدد ) يدخل حدوُد القلب من دوُن حراس ﻣتقاسـميَن الــروُح بـينہ و بينــــي..^ أشتاق له مثل الأمَل بآخر اليـــآس وأشتاق له لو گان قدام عينــــــي..♡ |
رد: سجل حضورك ببيت شعر ( متجدد ) في كل جزءً من تفاصيلك غرام يستاهل انّي اكتبه شعر وقصيـد واللي خلقك وميّزك بين الأنام ان الحرارمن القصايد لك عبيد |
رد: سجل حضورك ببيت شعر ( متجدد ) ياما وقفت بوجه الايام ما طحت وياما وثقت بناس والناس طاحوا مشيت بالدنيا وتعلمت وارتحت اهل المصالح لاخذو شيء راحوا |
رد: سجل حضورك ببيت شعر ( متجدد ) لله در .. العيـون .. اللـي.. يبكيها الخوف مـن ربنا والخوف من ناره لو [ الملذات ] نعرف ويش تاليها ماكان شفت السمك تغريه سناره |
رد: سجل حضورك ببيت شعر ( متجدد ) عندي يقين ان الحياة اضداد ..والشي الاكيـد ان احتكام الضيق مهما طال مفتاح السعـه.. وان البشر بذرة قدر مابين مزروع وحصيـد وان القدر في ظرف لحظة يحصد اللي يزرعـة.. وان الخسارة حمق متضرر وحنكـة مستفيـد وان الفتى يجمع لعمـره وان عمـره يجمعـه.. وان افضل المعروف مايفرج به الكرب الشديد والخير درء الشر وإقصـاء المضـرة منفعـه |
| الساعة الآن 07:57 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن