(مايهون علي زعلك)
 

حلوة كلمة ( ما أزعل منك ) بس الأحلى منها ( مايهون علي زعلك ) ..

- حلوة العلاقات اللي فيها الناس ياخذون و يعطون .. ويخافون على بعض .. مايهون عليهم زعل بعض .. ويراضون بعض .. ويطبطبون على بعض .. ويطمنون بعض.. ويسندون بعض ..

- حلوة العلاقات المريحة ، الخفيفة السهلة ، الواضحه .. اللى تفاصيلها بسيطة ما فيها تعقيد ..

- حلوة العلاقات المنورة .. اللي تزيد ما تنقَص .. اللي تخليك تبتسم .. تخليك مرتاح .. على راحتك و طبيعتك .. وتتقبلك مثل ما انت ..

- حلوة الناس اللي تدفيك بحبها ..

- حلوة الناس اللي تتسند عليهم
وانت متأكد انهم ماراح يخذلونك ..

- حلوة علاقة الإخوان والأخوات اللي دايما في ظهر بعض ..

- حلوة علاقة الزملاء والاصدقاء والقرايب والجيران اللي تطمن لوجودهم وما تخاف من غدرهم ...

ابحثوا على الناس الحلوة وامسكوا فيهم .. لا يهونون عليكم .. ولا تخلونهم يندمون على طيبتهم وحبهم ..
*الناس الحلوه رزق*

فاللهم لك الحمد على كل من لهم صلة قرابة بي وكل صحبة طيبة رزقتني اياها ويسرتها لي