⛔انتبه في رمضان
 

#تجهيزات_رمضان (12)


في رمضان ..كل دقيقة غالية أوووووي...كل دقيقة ممكن تكون هي دي الدقيقة اللي فيها عتقك من النار
فماينفعش نضيع دقيقة واحدة
طيب بس فيه أوقات ممكن تضيع مننا في المطبخ أو في المواصلات صح ؟؟؟
هنا بقى ....تكون جاهز بالخطة المثالية لأوقات الزحمة 💪....خطتك مع الأذكار

في رمضان ....مش عاوزك* تكتفي بس بأذكار النوم والصباح والمساء ...لا ...مش كفااااية خااااالص
_في جدول رمضان معانا استغفار* كتيييررر حدد رقم وكل يوم ماتقلش عنه 👌
_معانا سبحان الله والحمد لله ولا إله إلا الله والله أكبر ولا حول ولاقوة الا بالله ....كتير أووووووي يوميا* حدد رقم برده ماتسيبهاش بالبركة 🧐
_طبعا معانا أذكار بعد الصلاة ...ماتتحركش من مكانك قبل ماتخلصها كاملة
_معانا من أهم الاذكار ذكر النبي ﷺ قال عنه خير ماقلت أنا والنبيون (لا إله إلا الله وحده لا شريك له، له الملك، وله الحمد وهو على كل شيء قدير )تقولها 💯مائة مرة وتعال نعد الأجور اللي هناخدها منها بقى :
*كأنك أعتقت عشر رقاب،
*يكتب ليك مائة حسنة،
*يتمحي عنك مائة سيئة،
* وتكون حرز وحصن ليك من الشيطان في يومك كله
كل ده بذكر يتقال ١٠٠ مرة في ربع ساعة لإنك تتعامل مع الشكور 💙

رمضاااان خلاص ...ماعدش وقت!!
الحق ظبط جدول أذكارك وعلق الأذكار في كل مكان عشان ..
تفكر نفسك وتفكر اللي حواليك دايما بالأذكار في موسم الخير((رمضان ))

اللهم بلغنا رمضان وأعنا فيه على ذكرك وشكرك وحسن عبادتك 🤲

#رسايل
#رسايل_شعبان