#الحل_لكل_من_كانت_الصلاة_ثقيلة_عليه
 

أنا عايز أدخل* صلاتي بمشاعر ولأول مرة في حياتي بقولها لكم صدقوني فارق كبير جدًا إن أنا أروح الصلاة* بحركات وإن أنا أروح الصلاة بمشاعر

طب يا ترى إيه* المشاعر*** اللي* أدخل بها صلاتي؟

تلات مشاعر نبدأ بها الصلاة* إن* شاء الله وده الحل* لكل من ثقلت الصلاة عليه

الشعور الأول هو شعور الرجاء


أدخل* الصلاة وأنت بتقول يا رب أنا داخل الصلاة علشان ترحمني.

وأنت موقن إن ربنا سبحانه وتعالى هيطلعك من الصلاة مرحوم ان شاء الله

ادخل* وأنت بتقول له يا رب أنا داخل الصلاة دي وكل ما ارجوه منك أنك تغفر لي وتكون على يقين إن ربنا سبحانه وتعالى يغفر لك
تدخل* الصلاة وأنت ترجوا إن ربنا سبحانه وتعالى يهديك ويرحمك* ترجوا من ربنا سبحانه وتعالى
تكون النتيجة إنك لو دخلت بمشاعر الرجاء إلى قلب الصلاة والله العظيم حالك يتغير تمامًا
إنسان مننا عنده ذنب تخش الصلاة وأنت بتقول يا رب رجائي فيك ان أنا أخرج* من الصلاة دي وأنت حرمت الذنب ده على قلبي وبعدتني عن الذنب ده

يا رب أنا ياما عصيتك يا رب أدخل الصلاة دي وأنا أرجو رحمة الله عز وجل
المشاعر دي اللي كانت تدفع النبي صلى الله عليه وسلم كان يدخل* الصلاة بها

2-الشعور الثاني لكي لا تكون الصلاة ثقيلة عليك الصلاة بشعور الخوف علم نفسك دايما وأنت داخل الصلاة داخل بمشاعر الخوف أخاف يعني من ربنا اه خش وأنت خايف من ربنا
طب أخاف إيه ؟ إيه اللي يساعدني إن أنا أخاف من ربنا؟

وإيه اللي يخليني استشعر دايمًا* إن أنا فعلًا داخل الصلاة وأنا خايف خد الحديث ده* علشان يقول لك إزاي النبي كان بيخش الصلاة بمشاعر
1- كان النبىﷺ أكثر حاجة تخوفه يوم القيامة* موقف الحساب. فدخل الصلاة بمشاعر. ثبت أنه ﷺ كان إذا دخل الصلاة بدأ دعاء الاستفتاح فيقول
(اللهم إني أعوذ بك من الضيق يوم الحساب) عشر مرات إنك تضيق علي فى وقت الحساب — إنك تشدد علي في السؤال — إنك تحاسبني على كل صغيرة وكبيرة{وَالَّذِينَ يَصِلُونَ مَا أَمَرَ اللَّهُ بِهِ أَن يُوصَلَ وَيَخْشَوْنَ رَبَّهُمْ وَيَخَافُونَ سُوءَ الْحِسَابِ}

قال أهل التفسير سوء الحساب هو أن يحاسبك الله عز وجل على كل ذنبً ولا يغفر ذنبه هو المؤاخذة وعدم العفو كما قال الحسن البصري فالنبي* داخل الصلاة بمشاعر الخوف* داخل الله أكبر ويبدأ دعاء الاستفتاح بمشاعر الخوف فيقول يا ربنا

(اللهم إني أعوذ بك من الضيق يوم الحساب)يخش بمشاعر دي مش بيقول مرة ولا اتنين ولا تلاتة ولا أربعة ولا خمسة ولا ستة العلماء بيقولوا إن الشيء اللي يتكرر مرة واحدة بيثبت في القلب بنسبة عشرة في المية لو قررت ست مرات بيصل لحوالي ستين سبعين في المية فيبدأ القلب يتحرك بالخوف من الله فتكون النتيجة إن القلب يبدأ خلاص يشعر بقى بالخشوع في الصلاة يبدأ بطمأنينة بسكينة ما هو داخل خايف

3-* الشعور الثالث اللي أنا ادخل به بقى على صلاتي وده شعور بقى من أعظم المشاعر اللي نخش بها على صلاتنا هو شعور الحب إنك داخل الصلاة بتحب* خش الصلاة وأنت مستشعر كل نعمة ربنا سبحانه وتعالى من بها عليك نعمة السمع ونعمة البصر نعمة الهداية نعمة الإيمان* نعمة الطاعة نعمة القرب إنك دلوقتي هنا في طاعة لله عز وجل وغيرك برة على معصية لله
استشعر النعمة دي خش الصلاة بحب النبي* ﷺ كان لما ييجي يخش الصلاة بيخش بالشعور والحب فتلاقي النبيﷺ ثبت عنه أنه كان يدخل الى الصلاة بهذا الشعور فكان يقول الله أكبر وبعد كده يقول إيه? لبيك اللهم وسعديك
لبيك أنا جاي لك طاعة بعد طاعة عبادة بعد عبادة قربًا بعد قرب يا رب


معنى لبيك في الحج ونقول لبيك اللهم لبيك أي طاعة بعد طاعة وطاعة بسرعة بعد بسرعة أنا جاي لك سريع جاى لك على وجه يا رب محب لك كان يدخل الصلاة النبي ﷺ فيقول لبيك وسعديك والخير كله في يديك والشر ليس إليك* ثم يقول أنا بك وإليك يا رب أنا من غيرك ما ساويش حاجة يا رب كل خير من عندك كل عطاء من عندك كل نعمة أنت اديتها لي من عندك
اعتراف من النبى ﷺ من نعم الله عليه فقلبه يزداد حبًا لله عز وجل

#الشيخ_أحمد_جلال