|
للأسف منت رجال للأسف منت رجال * لما يتقدم خاطب ويدق الباب عشان راتبها ويقولها بكل صراحه بعد الزواج اخذتك عشان راتبك مو سواد عيونك للأسف منت رجال * لما ترضى تجلس بالبيت وأختك أو زوجتك تصرف عليك للأسف منت رجال * لما تكون طول وعرض وفشخره على الفاضي للأسف منت رجال * لما بكل مجلس تقول بصوت عالي عرفت فلانه بنت فلان وضحكت عليها وهذي صورها وهذا رقمها للأسف منت رجال * لما تكشخ وتتعطر وتدوج بالأسواق بدون هدف وتكلم هذي وترقم هذي للأسف منت رجال * لما تخليت عن ثوبك ولبست بنطلون طايح من شده خجله منك للأسف منت رجال * لما تاخذ من أمك كم ريال عشان دخان للأسف منت رجال * لما تكون فاضي طول الوقت ووقت الصلاة سبحان الله تنشغل للأسف منت رجال * لما تسمح لأصحابك يقولون من باب المزح وللأسف الكلمة دارجه عند الشباب الله يلعن أمك وتضحك وتقول: الله يلعن أمك أنت للأسف منت رجال * لما تكون متزوج أو خاطب أو حتى تحب وتخون بكلمه ونظره مع الغير للأسف منت رجال * لما تعتمد على فلوس ومنصب أبوك وتقول: وليه اشتغل!! للأسف منت رجال * لما تجرح بنت أخت أو قريبه ونسيت أنك الرجال والأقوى للأسف منت رجال * لما عندك أي كلمه تقولها عادي لزوجتك أنتِ طالق للأسف منت رجال * لما تدق عليك أمك تالي الليل بالإستراحه وتسكر الخط فى وجها وتقول أزعجتنا العجوز للأسف منت رجال * لما تقول عند خوايك الشاكوش واقف بطريق سفرتي معكم تقصد أبوك للأسف منت رجال * لما تقول عند أهلك بروح عمره وإنت خارج الديره تدور البنات للأسف منت رجال * لما تتزوج مسيار وإسكت لا أحد يدرى وخايف من ربعك وأهلك وجماعتك يدرون للأسف منت رجال * لما ترفض خطيب لإبنتك أو أختك عشان تستفيد من راتبها للأسف منت رجال * لما تكون وسيلة التفاهم عندك يدك مو لسانك للأسف منت رجال * لما تخجل من شغله أبوك البسيطة للأسف منت رجال * لما تعتقد مجرد إعتقاد أن الرجولة بس تربية شوارب للأسف منت رجال * لما تقسط لك زوجتك سيارة من راتبها وتتزوج عليها ثانية وتاخذها برحلة بسيارتك على حساب الأولى للأسف منت رجال * لما تفرق بين بنتك وولدك وتقول هذا ولد عزوه والبنت تنطق للأسف منت رجال * لما تنسى بيتك وزوجتك وعيالك وتروح مع الثانية دون عداله للأسف منت رجال * لما تاخذ حقك من زوجتك بالغصب وهي زعلانة من غير ما تراضيها وتعتبر الشي حقك ورجولة منك للأسف منت رجال * لما تتخلى عن أعز ربعك بوقت شده للأسف منت رجال * لما تشوف بنات الناس عادي وأختك لا عيب وحرام للأسف منت رجال * لما تحبها وتحبك بصدق وفجاءة شفت غيرها وتخليت عنها دون سبب للأسف منت رجال * لما تحط عينك على وحدة تعرف أن أخوك أوصديقك يحبها للأسف منت رجال * لما تصرخ بوجه أمك إرضاء لزوجتك للأسف منت رجال *لما تنقل حكي من واحد لواحد للأسف منت رجال * لما تشوف بنت في حالها وما تعطي أحد وجه وتقول: على إيش شايفه نفسها بأكسر خشمها للأسف منت رجال * لما تصدق هرج حاسد وعاذل برفيق دربك من غير ما تسمع منه وتعطيه فرصه يوضح لك للأسف منت رجال * لما فجاءه تكتشف بعد زواجك أنك ما حبيت زوجتك بعد ماجبت منها عشر عيال جاك الإحساس وجرحت كرامتها للأسف منت رجال الرجولة غير الذكورة مو كل من لبس غتره وشماغ صار رجال مو كل من له شارب ولحيه صار رجاال الرجولة موقف وكرامه وتصرف ما كل من صاد صقر صار صقار بعض الصقور وقت الشدائد دجاجة في زمان أصبحنا لا نفرق بين البنت والولد حتى الملابس تشابهت أنا ضد فئة من الرجال وأكيد الكثير منهم ونعم الرجال كثيررووووووووووووووون هم الذكور قليلوووووووووووووون هم الرجال. موضوع عجبني وحبيت تشاركوني بآرائكم . |
رد: للأسف منت رجال بكل بساطه انت عنوان في الابداع ومبدع في اختيار العنوان نعم ايها القلم فلقد اختلط الحابل بالنابل دون اية مبالاه واصبح الوضع اقل من عااااااادي لدي الكثير اكتفي بالكلمات التي ذكرت الرجولة موقف وكرامه وتصرف واتمنى منك ان تعطيني الضوء الاخضر لاصمم لك توقيعك القادم |
رد: للأسف منت رجال لك الضوء الأخضر والأزرق يا أبو سامي وكلك ذوق يالغالي وترى توقيعي جاهز لكن ماهو عاجبني أبغى أعدل فيه لكن مو فاضي يالله بانتظار توقيعك ترى شوفه تحت . |
رد: للأسف منت رجال خلاص ابشرررررررررر بس لازم تنتظرني يومين ثلاثه اذا تبي توقيع متعوب عليه اما اذا كنت مستعجل فما عندك مشكله انزل لك توقيع الآن بس تراه التوقيع اللي نصحتك تنزله في موضوعك الاول وانت براحتك |
رد: للأسف منت رجال خخخخخخخخخخخ الله يقطع ابليسك تبغى أحط القرد هذاك تبغى تورطني هاه يالله بانتظارك خذ راحتك يومين ثلاثة مو مشكلة . |
رد: للأسف منت رجال والله موضوووع في غاية الروعهـ استمتعت بقراءة كل حرف منه لا هنت يا اخووووي قلم رصاص والى الامام |
رد: للأسف منت رجال يعطيك العافيه موضوع رائع جداً ... ابو سامي انت وقلم صاص لا تتناوشون ولا شي خلاص كل واحد يصلحلي توقيع وبختار الافضل بس اهم شي صورة سيرجيو راموس ........ هههه |
رد: للأسف منت رجال بصراحة موضوع يستحق تقييم وخمسة نجوم روعة بكل ماتعنية الكلمة وياليت كل ذكر رجال بكل مقومات الرجولة الف الف شكرعلى البداع |
| الساعة الآن 05:55 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن