منتديات بني بحير بلقرن

يا قاري سورة النسا
سلّم لخـصايـل النّسا
الرّاجل سـر والنسا كنز بلا مفتاح
إذا حبّوك النسا
تجلبهم بالمسايسة
و إذا كرهوك ما يفيدك في الحرب سلاح
لا تحقر قيمة النسا
واحذر من كيد النسا
المولى خالق النسا للدنيا مصباح
هاذ الدنيا التاعسة
بلا نسوان ناقصة
ياك التمثيل قال إذا حبوك ارتاح
لينا مّيمات من نّسا (أمهات)
و لينا خيّات من النسا(أخوات)
لينا زوجات من النسا في الحياة شباح(زينة)
هوما سرّ المجالسة
هوما خير الموانسة
هوما مفتاح سرّنا و قصايص لرباح
خمّم يا ظالم النسا
كيف نعيشو بلا نسا
هوما شريكات الحياة و بهجة لفراح
فكر القوال ما نسا(لم ينس)
كاين نسا من نسا
و كاين رجال من رجال دوانا و ملاح

رابح درياسة