بافخم جهاز وكرت عنـدي ضمانـه

كل المواقع زرتها اشكـال والـوان

مافيه موقع شعـر ماعـرف مكانـه

حصلت فيها الشعر منـذل منهـان

فارس شجيع وكبوته مـن حصانـه

الا بعـد ماصـار للشعـر ميـدان

حصلـت ميـدان الشعـر بالامانـه

حصلت فيه الشعر ساطي وسلطـان

الساحل جنب((ن)) ما يعرف المهانـه

يخدم جناب المتحرم عالـي الشـان

ناس لهم في الشعـر بـاع ومكانـه

والكـل ياجـد مايريـده بعـنـوان

بفـروع كـل المنتـدى بستكـانـه

بين النشامـا كلنـا مثـل الاخـوان

في منتـدان واحـد ولابـه خيانـه

بالحق والانصاف ماهـوب خـوان

يعـط الحقيقـه كاملـه بالامـانـه

في موقع(ن)ماله وصايف والا ثمان

موقع هل الطولات واهـل الميانـه

اللي يحبـون المراجـل والايمـان

وستر الضعيف اللي شكى من زمانه

اللي بوقت الضيق ملجـا ومزبـان

بعد الذي عال(ن)على الخلق شانـه

وشامخ شموخ اللمملكه بين الوطان

ومجمع اعضا( ن) كلبوهـم تكانـه

على الشرف والطيب والعز صدقان

ماهو على فعـل الـردا واللاعانـه

اللي يجيبون الشعـر فـن وتقـان

ماهـو بشعـر افـلان والا فلانـه

قصيدهـم يفتـح للأمجـاد بيبـان

والرجل يعرف منهجه مـن لسانـه

ميدان شعر وكل من فيـه فرسـان

والعضـو يعتبـر البقيـه إخوانـه

لاسج فكري عنه في بعض الاحيـان

افـز فـزة مـن تخمـه جنـانـه

وافتح على ميدان الاشعار طربـان

وادرج بصر عيني على كـل خانـه

واتصفحه واقراه عنـوان عنـوان

واعيش مع جزل القصيـد وسمانـه

في الارض بركانٍ وفي الصدر بركان

زفـرة شعـور وترجمانـه لسانـه

للحرب ميدانـه وللقـاف فرسـان

وبحور مختلفـه حـوّت كـل دانـه

يامنتدىبني بحير ياملتقـى اوطـان

صرحٍ مجيد وعّـز راعيـه شانـه

لاهان من حرّض على الطيب لاهان

اللـي تعـلاّ وأرتقـى فـي مكانـه

عبدالعزيز اللي بنا الطيـب بنيـان

بينه وبين الطيـب وصـل وميانـه

عز الله إنه تاج راسي ولـو كـان

ماني من أصحابه ولا مـن خوانـه

اللي جعل للشعـر موقـع وميـدان

فعلـه يكمـل مايقـولـه لسـانـه