منتديات بني بحير بلقرن - سور الرّمل لا تعلّيه.....

سور الرّمل لاتعلّيه و لا تغمّق في ساسو
ولد الناس لا توصّيه يكبر و يولّي لناسو

لا يعجبك نوّار الدّفلة في الواد داير الظلايل
و لايغويك زين طفلة حتى تشوف للفعايل

القمح يسمّيوه الرّبح ذرّيه يمشي غبارو
و القلب إذا كان مجروح الوجه يعطي خبارو

الخيل هبّ من الرّيح و البل هي الشريفة
العلم ينوّر القلب و الجهل هو العيفة

الزيت تخرج من الزّيتونة و الفاهم يفهم لغة الطير
و اللّي ما تخرج كلمتو موزونة يخبيها في ضميرو خير

§§§§§§§§§§§§§§§§§§§§§§§§§§§§§§§§§§§§§§§§§§§§§ §§

يا قمر يا عالي ما خفاّك غيام
عطاك ربي زيد اتعلّى ما عليك ملام
يا ضياء لنيام
كي تمر قبالي ما ترد سلام
واش يعمل اللّي منّك ما يجيه منام
يا ضياء لنيام
يا الزّين الغالي ما معاك كلام
راك غير تعذّب فيّا و العذاب حرام
يا ضياء لنيام
ما يشفّك حالي و عام يضمن عام
هكذا قدّر مكتوبي و الحياة قسام
يا ضياء لنيام
راه قلبك سالي ما عرفك سقام
ما نكويت بنار المحنة و ما دركك غرام
يا ضياء لنيام