ودعتك الله لو على قلبـي اخطيـت
وحاربتني من دون ذنـب وخطيّـه


احسبك تذكرني إذا اصبحت وامسيت
واثرك على فرقـاي نفسـك هنيّـه


http://tbn2.google.com/images?q=tbn:...5.imgcache.jpg


الله واكبـر كيـف عنّـي تخلّيـت
من بعد ما علقت روحـي البريّـه


وش غيّرك وش بدّلك ليه صدّيـت
وانت الذي بالقلب نبـض وهويّـه


http://tbn2.google.com/images?q=tbn:...5.imgcache.jpg


من هو بقى لي بعدما عنّي اقفيـت
وقدمتنـي للحـزن اثمـن هـديّـه


كلـش تخيلتـه ولا يـوم ظنيـت
إنك لحـد غيـري ولانتـاب ليّـه


http://tbn2.google.com/images?q=tbn:...5.imgcache.jpg


ويلك من الله كيف بالحب ضحّيـت
قلبك حجر مـا حـنّ يـومٍ عليّـه


اللي بنينا بْعمر فـي يـوم هدّيـت
واحلامنـا مـا عـاد منهـا بقيّـه


http://tbn2.google.com/images?q=tbn:...5.imgcache.jpg


اتعـد غلطاتـي إذا يـوم زلـيـت
من دون مدري .. وين ذيك الحميّه


مافيه معصوم الخطا لـو تحريـت
ولا فيه كامـل غيـر رب البريّـه


http://tbn2.google.com/images?q=tbn:...5.imgcache.jpg


ولو ما احبك ما نشدتك ولا اطريت
بعـدك وصـدك وانتخيتـك نخيّـه


ترجع لقلبٍ يـوم بالعقـل حبيـت
وتترك هل الأحقاد واهـل الوشيّـه


http://tbn2.google.com/images?q=tbn:...5.imgcache.jpg


خايف عليك وخايفٍ منـك ياليـت
مايوم حبيتـك وصـرت الضحيّـه


لا نيب حي بعد هجـرك ولا ميـت
ولا ني مريض ينعـرف بالشكيّـه


http://tbn2.google.com/images?q=tbn:...5.imgcache.jpg


لكنـي ادرى بحالتـي لا تـرديـت
ولا ينفـع الملتـاع طبـه وكيّـه


مالي سوى اللي كلمـا راح ناديـت
يا كـود يسمعنـي ويرجـع إليّـه



مما راق لي