|
كلمة ::يلعن أمك ياشييخ ..؟؟؟؟ الســـلام عليكم ورحمة الله وبركاته .. بصراحه فيـه موضوع شدني واحنـا غافلين عنه من جد http://www.3bnat.com/vb/images/smilies/48.gif .. ما تلاحظون إن كلمـة [ يلعـن أمـك ] إنتشرت إنتشار غريـب و مريب .. وصار اللي يقولها عــااادي جـدآ .. كانه قايـل [ السـلام عليكم ] ..! و الأغرب إن اللي تنقـال له عـادي عنده ..!! كيـف ترضى على أمك ؟! و ليش ؟! × بعض الشبـاب ’و حتى بعض البنـات’ اللحين بالعكس صارت عندهم يلعـن أمـك مدحه ..!! أو هذا تعبير عن الحماس في سالفـةٍ مـا ! × مثـلآ .. يجي واحد يقول : والله أمس سويت كذا وسويت كذا .. يجي الثاني يقول : يلعـن أمـك ياشيخ ..!! و إذا قال لـه [ يلعـن أمـك ] مـدّ هالخشه شبرين كأنه قايل له شعر يمدحه ..! و إلاّ بعض الشبـاب .. واحد يسأل الثـاني : وش رايك باللاعب الفلاني ..؟ يقول : يلعـن أمممممممممه يلعـب من جد ..! طيب أبي أفهـم .. وش دخل أمــه بالموضوع ..؟! للأسف الشديد إن الكلمـة هذي منتشره عندنا إنتشار كبيـر .. و الآن حاصله مع الشباب في جلساتهم .. د: وينك أمس يلعـن أمـك ؟ خ : أبد رحت مع فلان الله يلعـن أمه . د: ليه ماقلتلي إنك بتروح معه الله يلـعن أمـك أنت ويّاه ؟ خ: وش دراني إنك بتروح يلعـن أمك ! د: ههههههههههههههههه . خ: هههههههههااااااااي . ولاَ كأنه صار شي http://www.3bnat.com/vb/images/smilies/48.gif ...!! × وللأسف إنها تقريبـآ أكثر كلمـة تنقال هالأيام .. وكم واحد تسأله عن هالكلمه .. بيقول لك : صارت عاده ..! هذا جـواب أبـيخ من الفعل .. مافيه شي تتعود عليه وإنت تدري انـه موب زين ولا تقدر تخليه ..! يمكن إنت تغفـل أو تـتـغـافل عن الذنب اللي تحصلـه من هالكلمـة ..! بس لا تنسى و إنت تقول هالكلمـة أنك تسوي شيء من الكبــائـر .. أنت تخيلت معي ..؟! كبـائـر الذنـوب ..!! صحّ عنه صلى الله عليه وسلم أنه قال : { من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم . × وش رآيكـم ..؟ وش الحل لهذي المشكلـة الخطيرة ..؟ يعني لهـالدرجـة مافيـه إحترام ولا تقـدير للأم ..؟! × شـاركوني .. أنا بإنتظاركم http://www.3bnat.com/vb/images/smilies/31.gif .. منقووول |
رد: كلمة ::يلعن أمك ياشييخ ..؟؟؟؟ هلاااااااا عزوز يعتيك العافيه هذي الكلمه منتشره كثير ومافيه عندي اي تعليق الا انها صارت مثل شرب الماء يعني ما تقدر تستغني عن الماء وهذي الكلمه ما نقدر نستغني عنها في اي سالفه او في بعض السوالف << واقعي بقوووه تسلم وننتظر المزيد من ابداعك |
رد: كلمة ::يلعن أمك ياشييخ ..؟؟؟؟ أشكرك على مرورك وعلى تعليقك الأكثر من رائع وإنما تعليقك يوصف لنا إبدااع شخصك الكريم |
رد: كلمة ::يلعن أمك ياشييخ ..؟؟؟؟ من جد يعطيك العافية عزوز والله موضوع يدمي القلب وزي ماقال رايح واقعي (وصخ) سامحوني على الكلمة بس هذا أقل تعبير لها ولازم نغير أنفسنا ومن حولنا حتى تتغير هذه العاده الشنيعة تقبل مروري وسامحتي أنفعلت شوي عزوز |
رد: كلمة ::يلعن أمك ياشييخ ..؟؟؟؟ للأسف ماقلته صحيح وياليتها وقفت على كذا ، بل أصبحت مثل ماقلت زي المدح بصراحة أنا ما أتقبلها من أي واحد ولو أحد قالها معي راح أتفاهم معاه :hateful: ومافي شي مانقدر نستغني عنه لابد إنا نتركها ، وهي كما ذكرت ياعزوز من الكبائر وفقك الله وجزاك الله خير ياعزوز . |
رد: كلمة ::يلعن أمك ياشييخ ..؟؟؟؟ شكرا عزوز على الموضوع المهم والرائع وللاسف انها صارت متداولة في ظني اكثر من السلام عليكم وياليت انهم يعرفون قدر الام والله ماكان قالوها بالطريقة هذي شكرا عزوز وتقبل مروري |
رد: كلمة ::يلعن أمك ياشييخ ..؟؟؟؟ يا هلا عزووووز مشكور ع الموضوع الجميل كما اسلفت انت و الاخوان بأنها ضاهرة منتشرة و لكن عند فئة محددة(نسأل الله لهم الصلاح) أما أولاد الأصول فهم لا يستسيغونها لا نطقاً و لا سماعاً و على قول الحبيب قلم رصاص (بتفاهم معاه) أما كيف نعالجها فـ(التوجيه) أفضل طريقة بأن نبين مدى شناعة هذه الكلمة. و يجب ان ننكر على من قالها قولاً أو ايحاءً شكراً حبيبي عزوووووز |
رد: كلمة ::يلعن أمك ياشييخ ..؟؟؟؟ الله يعطيك العافيه ياعزوز مواضيعك ياخي مميزه لانك مميز اما عن هذه المشكله فهي متداوله بكثره عندطبقه معينه من الناس وتلقاهم يستخدمونها في اليوم مئة مره والسبب البيئه السيئه التى يعيشون فيها وايضا التربيه السيئه في البيت وهي معضله تواجه المجتمع الاسلامي اما الحل فكما قال كبير القوم ابو عماد التوجيه و التوعيه او كما قال المبدع في كل الحالات قلم رصاص نتفاهم معه يعني لو يحصل كف كل ما قال هذه الكلمه والله ماعاد يتعودها ولكن كما ذكرت فهناك من يطرب لسماعها وهم من تلك البيئه التى لا تخفى على احد ما اقول الا استغفر الله العلي العظيم..... واكرر الله يعطيك العافيه يامبدع...... |
| الساعة الآن 11:03 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن