منتديات بني بحير بلقرن - مدامكـ عارفه طبعي ... أجل وشوله الحيره ..!!

منتديات بني بحير بلقرن (http://www.binybohair.com/vb/index.php)

- ملتقى بنى بحير بلقرن للشعر الشعبي (http://www.binybohair.com/vb/forumdisplay.php?f=82)

- - مدامكـ عارفه طبعي ... أجل وشوله الحيره ..!! (http://www.binybohair.com/vb/showthread.php?t=29581)

مدامكـ عارفه طبعي ... أجل وشوله الحيره ..!!

مساء الخير ـ هالمره ـ بلاش آسف على التأخير
مدام الرد بعيونك دموع فكـــــــــــل تأخيره

ثقل دم العذر ، والا كسح وجه الخطا تبــــرير
مدامك عارفه طبعي . أجل وشوله الحيره

ترى ماجيت لجل اسمع سواليفك عن التقصـــــير
أعرف ان الخطا منــي (بلاش نعيد هالسيره)

انا وانتي بهالدنيا تحملنا بعضنا كثيـــــــر
تعوّدتي على عنادي ، وصرت آحب هالغيره

انا وانتي حكايتنا مثل : صدر السما والطيـــر
كثير اللي يطالعها ،، ولحدٍ طالها غيــــره

انا وانتي حكايتنا .. مثل لعبه ، وطفل صغيـر
مع انه دوم يهملها رفــــــــــض يسمحبها لغيـره

انا وانتي .. وش اوصفلك ؟ عجز عن وصفنا تعبير!
مثل ! مدري ! مثل وشو ! ولكن صعب تصويره

انا وانتي ـ بلاش انتي ـ أنا ـ لو بفقدك شيصير
ومجرد طاري الفرقا علي ياصعب تأثيــــــره

أحبك ؟ ايه أحبك .. ذي بعد يبغالها تفكــــير
يخلف الله على عقلٍ ملكتي كل تفكــــــــيره

تعالي .. نحترم ( شيبة غلانا ) .. لعنبو التصوير!!
تعالي نغتنم فرصة لقانا دامها قصيـــــيره

ومساء اللي تبي ، حاضر ولاتزعل ( صباح الخير )
أنا كــــــــل يوم بتأخر .. اذا في دمعتك خـــيره.

......

لامست مشاعري