https://www.ontha.com/wp-content/upl...907-WA0022.jpg
حاولت أخليها مبتكره أحشيها بحشوه و أغيّر الأنواع وفعلا ًطلعت لذيذه
–أول شي نصلح التمر :
نجيب التمر وأفضل إنه يكون (تمر خلاص) أو أي نوع ليّن ولذيذ و يزال منه النوى
يحمس حليب نيدو لين يصير لونه أشقر بالكميه المرغوبه
و أيضاً يحمس طحين أبيض
يضاف على الحليب المحموس والطحين بسكويت وزبده و يعجن مع بعض لتكون النتيجة عندك تمر معجون وليّن
يقسم ٦ أقسام و يكوّر عشوائي وتترك على جنب لحين الانتهاء من عمل النكهات
– النوع الأول : النابلسيه :
نجهز فستق مطحون ونخليه على جنب ..
الحشوه:
جالكسي ساده نخليه برا الثلاجة يكون لين القوام ..
نأخذ كوره من التمر نحشيها بالجالكسي ونغطيها بالفستق المطحون .
– النوع الثاني : رافيللو :
الحشوه :
نص علبة نستله الكبير ، نص كوب حليب سايل ، جبنة فيلاديلفيا حجم ٢٠٠ جرام ، كوبين جوز هند رطب ، نص كوب لوز مكسر .
نخلطهم مع بعض ثم يوضع بالثلاجة لين تتماسك وبعدين نأخذ كوره من التمر نحشيها بالحشوه ونغلفها بالجوز الهند .
– النوع الثالث : سينابون:
يطحن بسكويت دايجستيف أو بسكويت شاهي (النوع المرغوب) ثم تشكل كوره من التمر تحشى ( نوتيلا + قرفه + عين الجمل مجروش)
وبعدين تغلفينها بالبسكوت المطحون .
– النوع الرابع : ريد فيلفت:
نصلح كيكة ريد فيفلت ونخليها تبرد ونفتتها ونخليها على جنب ..
الحشوه:
ظرفين دريم ويب اخلطها مع شوي حليب سايل بارد حتى يتضاعف حجمها ، ثم أضيف عليها جبنة فيلادلفيا حجم ٢٠٠ وقليل من الحليب المركز نستله .. واخليها بالثلاجة حتى تتماسك .. تشكل كوره من التمر وتحشى بالحشوه وتغطى بالريد فيلفت المفتت .
– النوع الخامس : الكنافه :
نفرمها بالخلاط ونحمسها بزبده حتى تشقر ثم تشكل كوره من التمر وتحشى قشطه طازجه ونغلفها بالكنافه .
وبالعافيه