أهيه يالدنيا الـى الحيـن ... شينـه
مافيك راحه ... فيك تعذيب و جروح
مافيك عز يدوم ....مـا فيـك لينـه
مافيك ستر وحب ومامنـك مصلـوح
لاخير فيك أرجيـه و .. .. تسلمينـه
ولا من حصلي بس يومين ويـروح
كلك قهر وجحود .. .. ما تفارقينـه
والهم تهدينه كمـا العطـر ويفـوح
عشقك يموت الـورد مـع ياسمينـه
ويموت قلب إنسان معتاد على البوح
عصرأمس بـعـد نمره وتناظرينـه
حادث وماتـوا فيـه قـرم ومملـوح
حادث أليـم إغتـال فرحـة مدينـه
وأثر على كـل المخاليـق بوضـوح
إكراه بـل إجبـار خطـف ورهينـه
ومفارقة خلان واقـع مهـو مـزوح
الحيـن ترتاحيـن غرقـت سفينـه
شوفيني طايح والسبب كثرة النـوح
اليـوم عبدالعزيز بـقـوة تجيـنـه
وتقلبينـي بيـن شهقـات وجـروح
وتشتتينـي فـي علــي تاخذيـنـه
وتمزقينه مـع رفاقتـه مـا يـروح
وتموتينـي ألـف مــرة مهيـنـه
لامن ذكرت اصواتهم عند ( مسموح )
يارب أنـا هالحيـن نفسـي حزينـه
يارب تجبر كسر قلبـي مـن النـوح
عبدالعزيز , علي
رحمة الله عليكم
اللهم اسكن ارواحهم الجنه
إن لله وان الليه راجعون
وإنا على فرقاكم لمحزونون