العيد
ايا عيد جيت وكم وكم عيد قبلك راح
وأنا والله ان أحزان قلبي كماهيه
لي ألحين خمس اعوام واكثرو حظي طاح
ويالله عساها خير وش صايرفيه
هموم وغموم سببت لي ألم واجراح
احاول اخبيها وماهي بسريه
وكم داخل احشايه سيوفن وطعن ارماح
طعونن قويه صدق ماهي بعاديه
اقضي طوال الليل في ونتن وانياح
تقول واحد مطعون بارض خلويه
واذا العيد جا يقضونه الناس بالافراح
وانا اعيد لحالي لاروحه ولاجيه
وارى الناس كلن يشري وينتظر الارباح
وانا لاشر لابيع لاذي ولاذيه
ولاسرت اميز لاغروب ولامصباح
احس الحياة مواصلة من بلويه
ياربيدعيتك واسألك واطلبك بالاحاح
ولاغيرك احد ارجيهوارفع له ايديه
ياربي تفرجهاعليه فحظي طاح
ويالله عساها خير وش صاير فيه
هذه القصيده عن عيد الاضحى سنة1429ه بقلم الزير سالم ارجو ان تكون مرضية وانتظر النقد الشعري من الشعراء المبدعين الذين نتعلم منهم
التعديل الأخير تم بواسطة الزير سالم ; 10-04-2010 الساعة 06:49 PM.
|