[بنت الجنوب]

~..الكون موحش...!!!والمسا فاقد إحساس..~
ــــــــــــــــــــــــــ ـــ ـــ ـــــــــــــــــــ ـــ ـــ ــــــــــــــــــــ ــ ـــ ــــــــــــــــــــــــــــ
والقلب وش خلاه مخنوق الانفاس
بين الضلوع العوج ينزف وريــــــــده
....
الاالفراق وغربة الناس للنــــــاس
وبعض السوالف والعلوم المكيدة
....
ياقلب لاتحزن ولايغلبك يـــــــاس
إرتاح واستبشر بلحظة سعيــدة
....
أقولها ياقلب لاباس لابــــــــــــاس
لاتقهر سود الليالي العنيـــــــــدة
....
اللي ذكر طيبي على العين والراس
واللي تجاهلني تجاهلت سيــــــده
....
ماهمني من باعني دون مقياس
عزيت نفسي والاماني بعيـــــــده
....
أناكذا طبعي مع كل الاجناس
القلب عزيته وشديت قيـــــده
....
حوله من الاضلاع حطيت حراس
تحميه من غدر الليالي الشديده
....
اللي يذوق الغدر صافي من الكاس
لابد يتعلم وعلمه يفيـــــــــــــــــــده
....
ضويت لي في سود الايام نبراس
يهدي حياتي للدروب الرشيــــده
....
محشوم فكري عن تفاكير الادناس
نفسي عن الهفوات دايم زهيـــده
....
واللي يحاول يسرق اللول والالمـــــاس
ماطالته عينه ولاطالت أيـــــــــــــــــــده..
....
يبطي ويشهر للبشر ذل الافلاس
لابدد امواله بيفلس رصيـــــده..!!
....
ماكل صيد يجيبه الحر قرناس
يموت بالرمضا ولاهو يصيــده
....
واللي يحاول يكسر الراس بالفاس
مثل اللذي بيده يكسر حديـــــــده
....
كتبتها جمله انابين الاقــــــــــــواس
(لاتقرب النيران جسمك تبيـــــــده)

ابيات في غاية الروعة