ماعاد لي في هواكم شف أو رادة
اللي شبكنا معك ياحلو يخلصنا
يكفيني اللي حصل ما استحمل زيادة
أظن في حبكم محد بغاصبنا
واظن مانته بعد في حلقي قلاده
دور على غيرنا بلاش تتعبنا
في شرع الأجواد كل يتبع امراده
الله يوفقك وحنا الله يوفقنا
الناس واجد وكم للحب طراده
أول رغبناك يومك مثل راغبنا
ومن يطلب البعد حنا نطلب ابعاده
أيام كنا غشم ياما تكلفنا
ندور رضاك مهما تخلف العادة
واليوم أبشرك ياسيدي تعلمنا
وبدلت نوم الحزم بفراش ووسادة
اللي هويناه حصلناه وحصلنا
وارتاح قلبي على رغم حساده
خلاص من حبكم يا زين عزلنا