[ابو جرح . البحيري]

/

على طريق الرياض ووجْهِتي قِبْله
هاجوس ينثر دموعي وينطق لساني
^-*
لَبو هجوس/ن يورِّدني على الهزله
اما جزال/ن تبل الكبد بَـ الحاني
^-*
والا بلاش القصيد وعين منفشله
ابـ أطرب اللي سمعني قاصي وداني
^-*
والا بلاهالقصيد وشِعر من اصله
ياسلوم قل لـ الاوادم لاتحدَّاني
^-*
والله لاحوس الفرات ومع نهردجله
واخلِّي اللي قراني صعب ينساني
^-*
اسج عن هاجسي مرات واندهله
وانا أدري انه يحوم ولاتعدَّاني
^-*
ان كان ماكتب قصيدي فيك بعتزله
وأخلي اللي كتبته وقْف لـ أحزاني
^-*

ياسلوم قله ترى امي ماهي بعجله
لاتسرع أرجوك معكم قرة اعياني
^-*
ماكون انا ابو جرح ان ماجبتها عدله
ولاخير في صاحبن/ ماينفع الثاني
^-*
باسمِّعك شِعْر من سجَّاتي الوجله
وابيك تنصت دقايق لوعلى شاني
^-*
انا كبيرة بـ عقلي وداخلي طفله
دلَّعتها وجْفَلَت من هيبة اخواني
^-*
اللي لقيته من الراحات فالعزله
أكثر من اللي لقيته وسط خلاني
^-*
واللي جروحه من الاقراب مايدله
أحسنله يعيش طول العمر وحداني
^-*

اللي شهد لـ القصيده وعدَّها جزله
ابيه يدعي على الحسَّاد من شاني
^-*
ناسن/ كساها السواد وطبعها نذله
ياالله ياكافي من هالناس تاقاني

^-*

وسلآمتكم

/

أتمنى أنهآ تنآل على أعجآبكم

ابو جرح.~

تحياتىى