بسم الله الرحمن الرحيم
السلام عليكم ورحمة الله وبركاته
(السؤال الممنوع )
دق على جوال صديقه ليسأله:
السلام عليكم
وعليكم السلام
أقولك انت صاحي ؟
لا نايم وجالس أكلمك...أكيد صاحي والا ماكان رديت عليك
طيب بتجي المقهى ؟
أكيد
بالسياره ؟
لابالطياره ..أكيد بالسياره
وصل الى المقهى ليقابل أصدقائه المجتمعين هناك:
السلام عليكم
وعليكم السلام
وش تسوون ؟
جالسين نحضر الماجستير ...ماتسمع صوت الشوالي أكيد نتابع الليقا
حفل زواج صديقه هذه الليله ويسأله :
كيف مبسوط ؟
لا لأن دوري كومبارس الليله ...أكيد مبسوط مو ليلة العمر
أخوه الكبير لابس ملابس العمل ويستعد للذهاب اليه ويسأله :
بتروح العمل ؟
لا بروح الكورنيش ...ليه متعود اني اروح مكان غير في هالتوقيت
شاهد الجبيره على يد أحدهم ويسأله :
مكسور ؟
لا جالس أستهبل والاسمنت غالي ... ماتشوف الجبيره .
أستأذنهم خويهم في الشقه لشعوره بالتعب وهويشكي هم الدوام والاسيقاظ مبكرا وبينما كان متجها لغرفة النوم يسأله :
بتنام ؟
لا ... بروج ألعب مباراه ..ماتشوف الساعه كم ؟