مؤمن بربي أنا
ومؤمن بالقضاء
واعرف إن الموت
حق
واعرف إن العبد لازم
يبقى بين اركان خوفه
والرجى
لجل هذا
والله ما أنسى رحيلك
يا أبوووي
كيف أنسى ؟؟
والملامح ثابته ما تنّسي
كيف أنسى ؟؟
والحزن في غيبتك ما ينّسي
ومرّت الأيام فيني
لين قالوا ابتسم
ابتسمت
ودمعتي ما هي بيدي
قالوا تصبّر
قلت قولوا للصبر يصبر عليّ
وايه .. يا سرع السنين
عشرة أعوام انقضت
ودمعتي ما جف ماها
وضحكتي ما هي كما اول
ضحكتي روّح حلاها
ولي أنا بالليل مع نفسي سكون
أسكب الدمعه
على الذكرى الأليمه
ومؤمن بربي أنا
ومؤمن بالقضاء
واعرف إن الموت حق
واعرف إن العبد لازم
يبقى بين اركان خوفه
والرجى
ما نسيت أمي وهي تبكي عليه
ودمعة الأم غاليه
تنسكب لغلى البشر
وما نسيت الحزن لمّا
جاها ثم غيّب سعدها
وعشرة أعوام انقضت
ودمعتي ما جف ماها
وقلبي يرجف بالخبر
راح وخلاني
تركني
كالغريب بدنيتي
.. .. ..
قبل موته
كنت اهاب الموت اول واكرهه
ويا هلا بالموت
هو سبيلي للقاء
ويا هلا بالموت
يفتح ابواب الرجى
.. .. ..
مرّت أيامي حزينه
يوم أروح المدرسه أذكر ابوي
ويوم أجي للبيت اسأل
وين أبوي؟
ويوم نجلس عالغداء
أسرق النّظره
وطالع في مكانه
ما نسيته يوم يجلس
يوم يضحك
ما نسيته يوم سولف
يوم حكّانا عن ايام السّعد
ومؤمن بربي أنا
ومؤمن بالقضاء
واعرف إن الموت حق
واعرف إن العبد لازم
يبقى بين اركان خوفه
والرجى
وما أحب القلب يقسى
ما أحب اعيش وانسى
أشرقت شمس الصباح
ومن بَعد موتك يا بوووي
كل شموسي غايبه
وكل ما حولي تغيّر
فلبدر ما هو بدر
والبحر ما هو بحر
والمروج الخضر صارت يابسه
.. .. ..
وكل ما حولي يذكرني ف (ابوي)
مع طلوع الشمس أذكر طلّته
مع غروب النجم أذكر غربته
ومع نزول الغيث أذكر فرحته
وذكرياته ما عطتني فرصه انسى
وكيف أنسى!
من شقى لجلي
ولجلي هو شقى
وكيف أنسى!
وهذا نبضي يشهد ابفضله عليّ
وهذا حرفي
وهذا خطّي
والقلم هلّي بيدي
ومؤمن بربي أنا
ومؤمن بالقضاء
واعرف إن الموت حق
واعرف إن العبد لازم
يبقى بين اركان خوفه
والرجى
وخلاص يعني
ما أنادي
ما أقول
ابوي جاء
خلاص يعني للأبد
أحلا كلمه
للأسف
من زود حزني
ينحرم منها لساني
منقول بقلم عبد العزيز الجهني