بسم الله الرحمن الرحيم
يقول ابو فيصل نصيحة احذر من اصحاب الغدر
ان ماتجي عــلى كيــفهم والا تــراها معــضلــة
هذي صداقة مصلحة واذا قبضها لك هجر
يانعلبوها من صداقة انــشهد انها مخجلة
تسلك مع احدهم طريق يحط لك ميــة حــجــر
وحــسن النــوايا ارسلتها برقية(ن)مستعجلة
اذا حضرت يجاملك وان غبت في عرضك فجر
لا ديـــن يــقــبل فعــلهم ولا عــــوايـــد تقــبلــه
صحبة على غير النقى تسقط كما اوراق الشجر
متــذبــذبة ما يــندرى هــي مقبلة او مــدبــرة
دور على اللي رفقته ناموس ولك فيها اجر
صادق معك طبعه وفي وما يفتعل لك مشكلة
اشبهه في رفقته مثيل قـــارورة عـــطر
ان ماشريته عطرها تشم ريحة مذهــــلة
واذ تبي تحكم عليه انظر علومه في السفر
اما جمل قد الحمول والا اخرجه من القافلة
هذي نصيحة واضحــة والكــــل له نظـــرة وحـــر
لن الصداقة شي جــميل وتبان فيها المرجلة
وصلوا على الهادي البشير المصطفى خير البشر
رســـولــنا نـــــور الهـــدى شفيعنا في الاجـــــــلـــــة
اخوكم ابو الفيصل/ والمعذرة عن الانقطاع