على أمـرگ يابعـد نبض الخفـوق وهاجسي ومنـاي
مـدامـگ ماتبي وصلي أنا وش عـاد يبقـينـي
أبحفظ مابقى لي من گرامـهـ واستحـث خطـاي
على درب الغيـاب ووين مـاودىي ودينـي
وإذا هـفـهـف على صدري هـواگ وحـدّني لاقصـاي
دعيت اللهـ يطّـمن في بعـادگ قلبي وعينـي
وطلبتـهـ مثل مامگّـن غـلاگ وثبتـهـ بحشـاي
يشيـلهـ من معاليـقي قبل لا الوجـد ينهينـي
حسافـهـ گنت أحسب إنگ تقـدّر طيبتـي ووفـاي
وعلى الأقل احتمـال تراعي اللي بينگ وبيني
توقعت إنگ أخلص من عرفت وشـفت في دنيـاي
أشـگ بگل من حولي و وحـدگ ماتخلينـي
طلبت البعـد في وقـت أبيـگ تگـون بـهـ يمنـاي
بعدماجارت أيامي علي وحارت يدينـي
ولايخفاگ صگّـات الزمـان وما حصـل ويـّاي
ولو مافي يـدگ حاجـهـ وجـودگ گان يگـفـيـني
توفي لو بعض دينگ إلين أوقـف علـى ماطـاي
لعل يگون لي صبـر على الفرقــا يقدينـي
على گل حـال ماينفع ملامي لگ وگثـر حگـاي
عن اذنـگ برحـل لدرب الغياب اللي يناديـني
ممممممماراااااااق لي اختياره لكم؟؟