البارحه ,,
كان الزمن .... تذكار
والموعد ... حصــار
والساعه إلي .... على الجدار
كانت تشير ... الثالثه
كانت تبلّغني ...
رساله ... بإختصار
كانت تقول ,,
كل الليالي إلي مضت
في غيابها ...مرة دهر
كل الدقائق ...
بعدها تُحسب عُمر
وانت مافكرت...
لو مره تقول
اشتقت لِك
.... رغم السهر
****
كانت تقول
بذمّتك ... ماتوحشك
وماقد طرت ... على البال
أو جت في ... الخيال
وليه مافكّرت
لو مره تقول
اشتقت لِك
اليوم لك عنها ... شهر
***
كانت تقول ..
اسمع صدى نبض ... المكان
يهز وجدان ... الزمان
محتاج يشعر ... بالأمان
وانت متردد .. كثير
خلك جريّ..
مره وقول
اشتقت لِك
..... وش تنتظر
******
قاطعتها ... قلت اسكتي
لوتعرفي ...
ليلة تفارقنا ..
وش إلي صار
من عقبها حالي ... دمار
والعقل صابه ... إنهيار
والحزن خيّم
في زوايا ... الدار
لو تعرفي
لحظة توادعنا
وش إلي دار ؟؟
من يومها... للحين
والقلب يبكي بَعدها
والعين تشكي بُعدها
والروح .. وين الروح
حلّــــت عندهــا ,,
*******
ودي بها اللحظه
أناديها وأقول
أشتقت لِك
ياأعذب أبيات الشعر
ودي بها اللحظه
أكلمها وأقول
أشتقت لِك
ياأجمل أيام العمر
********
قالت ومادامك كذا
طيب وش إلي ... يمنعك
تسأل عليها ...... لايكون (.....)
قلت ... الوعد
والخوف من باكر ...بعد
عهد عطيته يومها ..
حلفت ما أخونه ... أبد
بس الأكيد
الحب في أعماقي ... يزيد
إحساس في نبض ... الوريد
في دنيتي يبقى ... الوحيد
وهذا أنا
للحين .... لاباكر
إلى أخر يوم في ... عمري
لها فقط ... أبقى أنتظر
يمكن تجي .... وعندها
من كثر شوقي ... والحنين
أصرخ وأقول
أشتقت لِك
يا أغلى من كل ..... البشر