[ح ـلــم]

حضورك ما يخلّي للغياب حضور ..
ولا أنتْ تعرف وش جابك ..
ولاني آخر أحبابك ..
كأنّك طفل ..
وكأني لعبةٍ مليت منها بس ..
يجي غيرك بياخذها
وتغليها ..
وإلا من راح ..
ترميها ..
رخيصة عندك الأرواح ..
وأنا ماغير قلبٍ كان ..
حديثٍ حيّ ماقدرت تصيده بندق النسيان ..



تعال نغيب ..!!
كثر ما كان لحضورك طعم ثاني ..
كثر ما ضحكتك تغري ..
كثر ما كنت بك أجمل ..
كثر ما كنت بي الأجمل ..
كثر ما أذكرك وأنساني ..
وتنساني ..
وخذلاني ..
كثر ما كنت بك أغرق ..
أبيك تغيب ..!!




وإذا مرّيت بـ أحبابك ..
تذكّر ..
كانوا أحبابك ..
ووقّف عند طعم الـ ( كان ) ..
كذا تعرف ..
بأنّك فعل ماضي ..
كذا تعرف بأنّ اليوم ماهو أمس ..
وإنّك كنت ..
وإنّ الـ ( كان ) ..
حديثٍ حيّ ما قدرت تصيده بندق النسيان ..