[هاجوس مقطع الروس]

علمة أهل الديرة زمانما عندنا من العلوم إلا سلامتكم*بخير وأعلام خير , في وادينا والله هادينا لا نروح بعيد ولا يجينا علماً جديد , نجي ونروح فيما يستر الروح , لا عريض ولا مريض ولله الحمد , العلوم ساره قاره , عسى الله يحفظ لنا أبو متعب ويطول عمره ويمتعه بالصحة والعافية ويحفظ لنا باقي حكامنا والله إنّا في خير وبخير ياربي لك الحمد والشكر لو كان ما هلا نعمة الأمن والآمان هذي اللي عايشين فيها كم تسوى , الأرض غبره وعند الله الشُبره , جاء أمطار على الديره كما ما سمعتم ولكن الأرض مجدبه من سنين وكن ما جاها شيء من المطر أكثر الناس عندهم أرتوازات وإللي عنده بير ردت ونسأل الله أن يلطف بالعباد والبلاد , أهل الزراعة كنهم نشطوا وقاموا يحرثون ويذرون شعير وذره وحبش في بعض بلادهم وبعضهم زرع بسباس (فلفل) وسوادي (باذنجان) وقوطه (طماطم) وفاصوليه وبزاليه , وعلى ذا الطاري الله الله . شي وردت السوق وشي دوبها على أولها العنب والرمان ما شي هيله وهو يختلف من مكان إلى مكان , الحلال غالي كما ما عندكم وكما تسمعون الألف ما عاد يقضي شيء ولا يجمل الرجال في بيته الطليان الزينه من فوق (1300) ريال وبعض الناس ردوها على الحشوان يأخذونها من أربعه ونص (4500) ريال بالقليل في البلدي وهم يقولون السوق مليان بالصومالي الله الله , المواد الغذائية كما ما عندكم غاليه والتجار طماعين ما عاد يرضون بالقليل . الناس ما عاد يتواصلون كما قدام حتى بين الأخوان نسأل الله العافية إللي مشغول وإللي ضايق ومعه شرهه على أبن عمه وإلا رحيمه ويبغي معدال وإللي مقفي بلا سبب مدري جهاله وإلا خباله وحتى الورعان الصغيرين عيال الأخوين وإلا أبناء العم ما عاد يعرفون بعضهم من كثر القطاعة , أختلفوا الناس مدري وشبهم .؟؟؟؟؟ مدري غناء مدري دجه مدري وش ذالعلوم يالله جاور بنا مسلمين .