[الطارقي]

الحمدلله واختم القاف بالحمد
رب البرايا ناصر الحق والدين

الواحد اللي يدرك البوح والسد
الله جليل الملك رب الثقلين

مجري امور اﻻمس واليوم والغد
يامدرك الاعين وﻻ تدركك عين

لوﻻك ما للبحر جزر" وﻻ مد
ولوﻻك ماللطير ريش وجناحين

لوﻻك ياربي ماصلى وﻻ حد
ولوﻻك آدم ماخلق حي من طين

ولوﻻك ماسبح في الغيمه الرعد
ولوﻻك ماتزهر ورود ورياحين

يارب فضلك والنعم مالها حد
ياربنا عفوك لميت" وحيين

سبحان ربي ﻻشريك" وﻻ ند
سلطان ربي فوق كل السﻻطين

أرجوك ترحم خادم البيت والعبد
عبدك على السنه حكم ف الحرمين

يارب ترحم منبع الخير والسعد
زارع فﻻة الفقر ورد وبساتين

مرحوم ياللي دمع شعبه على الخد
ﻻجله تهمل مثل وبل التهاتين

مرحوم ياللي يشمل الجمع والفرد
خيره وفضله للغني والمساكين

مرحوم ياجزل العطا وافي المد
كفه كما الهداج مروي العطاشين

مرحوم ياللي رادع" كل مرتد
عن سكة اهل الحق خل القوانين

مرحوم ياللي وقفته ساعة الجد
تكسر جناح الظلم تهزم معادين

فقيدة اﻻسﻻم بالهند والسند
من مصر للمغرب لبرلين للصين

بو متعب اللي حقق الصيت والمجد
صارت بﻻده من خيار البﻻدين

صارت منار الكون ياكونها لد
من طرف عينك في جميع الميادين

انظر مشاريعه من الحد للحد
بو متعب افعاله ترجح موازين

المملكه دره لها الحب والود
دره ثمينه فوق كل التثامين

صحيح ابو متعب توارى ورا اللحد
لكن ماغادر قلوب المحبين

شعر/عبدالله سحيم القرني