[علي بن قحمان القرني]

شبه الجزيره قلبها اليوم ملهود
حمى الفراق المر في جسمها داج

عينٍ لها تبكي لفرقاك ياسعود
وعين لها برواز مجدك ومنهاج

منهاج سيره عطرها المسك والعود
من نجد نفحاته الي ساحل العاج

طالع على فيصل كما السيف محدود
سيفٍ من الامجاد ماهو بـ كرباج

هذا سعود ان كان فـ القبر ملحود
لا زال حي وله مع المجد مدراج

الحي حي المجد والمجد مشهود
متربعٍ عرش الزمن صرح وابراج

الفيصل اللي بالمهابات معهود
زلزل كيان الغرب مسرا ومعراج

ذيب السياسه كم رقى نايف الطود
تصبح دهاة الغرب قدّامه انعاج

في ظلمة الأحداث نرقى به سنود
سعود نجم الشرق في قالب اسراج

الدبلوماسيه لها عنده اقيود
مفتاحها التخطيط والفكر مزلاج

منبر سياساته على اليسر والكود
ماله شبيه من المنامه لـ قرطاج

مرحوم يالفيصل ذرا كل مضهود
مرحوم ياللي للعرب درع واسياج

مرحوم ياللي كف له تقدح زنود
والكف الاخرى بالعطيات هداج

يارب ياللي بأمرك اتنسنس النود
تلبْسه من رحمتْك سندس وديباج

وأمطر على قبره من الخير والجود
غيثٍ من الرحمات بـ العفو ثجاج

شبه الجزيره قلبها اليوم ملهود
حمى الفراق المر في جسمها داج

عينٍ لها تبكي لفرقاك ياسعود
وعينٍ لها برواز مجدك ومنهاج

شعر: عبدالله سحيم القرني