[عـ القناص ـزوز]

قصيده تحكي معاناه شعب...
قصيدة للشاعر ذيب جمران


يانجد صيفك يقطع القلب حرّه = شتان ما بينك وما بين بيروت

أقفى ربيعك بالفرح والمسرّه = وصيفك وصل بالعج والحر والموت

جوٍ سموم القيظ دايم تكرّه = وإليا ركد ما كني إلا بتابوت

وإليا لحقني فيك بعض المعرّه = إسمحلي أرحل عن فيافيك بسكوت

شهرينابيها منك فالعام مرّه = ألبس بها البنطال والبس بها الكوت

آخذ على لبنان والشام فرّه = وآكل من الرمان والخوخ والتوت

وأشوف ناسٍ فالبلد مستقرّه = سوو لهم فيها مقاييل وبيوت

وأمر دربٍ قدمي الزين مرّه = ياكثر ما شفته يجي فيه ويفوت

زين وغنج وعيون حلوه وغرّه = يمشي على كيفه مع الناس مفلوت

كنّه غرير ولاش علمٍ يغرّه = لا خاف من ربه ولاهوب مكبوت

علقني بسحرة وخيرة وشرّه = سحرٍ ذكر هاروت شرّه لماروت

وإليا إنتهى الميعاد بترك مقرّه = واعصي هوى قلبٍ من الزين مبهوت

واحزم شناط العفش والثوب أزرّه =وارجع بشوقٍ من مدى شوق بخوت

ويانجد صيفك لو ذبحني بحرّه = حييت في حضنك وفي حضنك الموت



حبا في الوطن.. كتبوا فأبدعوا
اللهم احفظك يابلادي


منقول للفائدة