انا اشكر من قدم وجهة نظرهـ لنا
وانا اقدم وجهة نظري :::
الاعتزاز بالقبيله وابطال القبيله وشيوخها وامراءها
شي طبيعي ومن حق اي انسان ..
وولد العائله يعتز بعد باهله وبمكارمهم وهذا من حقه !!
لكن في حدود اني ما أبخس في حق الاخرين !!
اللي يستحقر الرجال هو أخس الرجال ..
والسبب في العصبيه القبليه هو طبعاً ولي الامر !!
لان الطفل حسب مايتربى وينزرع بداخله من الصغر !!
وبصراحه العصبيه القبليه بين القبائل شي يعتبر اعتيادي
لانهم بيتفاخرون بنسبهم ..
ولكن الادهى والامر واللي يكسر الخاطر
هو القبليه بين ابناء القبايل وابناء العوائل وبالذات من ابناء
القبايل وتصغيرهم لحجم النافذه اللي من خلالها بينظروا لابناء العوائل !!
انا ولد قبايل وانت حضري !!
مشكله !! وكأن أحد قايله انك ياولد القبيله بتمر بدون حساب او بتدخل قبل ولد
العائله للجنه !!
في عيال القبايل فيه منهم من ينداس اكرمكم الله
وفيه من ينحط على الراس ..
وفي عيال العوائل فيه منهم من ينداس وفيه منهم من ينحط على الراس ..
في كل مكان فيه الطيب وفيه الخبيث !!
افتخر بنسبك ماعندك مشكله !!
لكن لاتقلل في الاخرين