سلام ياروح السلام الابيه
سلام ياللي لك من الحب فايض
سلام يامن حب منهج نبيه
يالجهبذ المغوار والشعر هايض
في مدح شخصك ياكريم السجيه
سلام ياللي غايض الكفر غايض
من بيشة الفيحاء لنجد العذيه
الشعب يكتب لك شعوره عرايض
سلامتك مزنه تهل ابرديه
والسعد فيها رعد والبرق نايض
رصاصة العدوان والعنجهيه
ماتاصلك محفوظ عاجل ورايض
ملائكة تحفظك صبح وعشيه
لانك امام اهل السنن والفرايض
ولى الرصاصه نار والنار حيه
راحت سلام وبرد لو هي شوايض
تدبير رب الكون رب البريه
يامن أقمت بكل منبر وعايظ
حتى العجم حبتك واليعربيه
في حبكم ياشيخنا مانقايض
يفداك من حرض عميل البغيه
امبيت النيه مسوي حرايض
لانك شهابٍ يحرق الرافضيه
وادمغت حجتهم بفتل ونقايض
يابيرق السنه زبون الونيه
حامي ذراها عن شموس القوايض
ياليثها المقدام في كل هيه
والليث مايخشى الكلاب الربايض
ياعايض القرني ماهي عنصريه
ان قلت مامثلك في الكون عايض
شعر : عبدالله سحيم القرني