[الرهيب]

قصة من الواقع

السلام عليكم ورحمة الله وبركاته،أنا كنت عايز أشتري شقة من شركة "كذا العقارية". وعايزك تراجع لي العقد

أنا : مفيش مشكلة ابعت لي العقد أراجعه.

⛔️و بعد ما بعتوا لي العقد، اكتشفت فيه مشكلة شرط غرامة التأخير وشرط حفظ الملكية، اللي معروف في أغلب شركات التطوير العقاري في مصر، وكنت كتبت عن حكمه الشرعي قبل كده كتير .

هو : أنا بلغتهم بالملاحظات بتاعت حضرتك ورفضوا تغيير العقد و بالفعل أنا سحبت المقدم اللي دفعته وربنا يخلف عليه بالخير

أنا : إن شاء الله ربنا هيخلف عليك واحنا دورنا الضغط ولا نستسلم

📍هو بعد فترة : كلمني شخص مسئول من الشركة وقالي ان رجعت في الشراء ليه وسحبت فلوسك ، فقلت له إن فيه مشكلة شرعية في العقد.

📌رد عليه المسئول : طيب مفيش مشكلة تعالى نقعد ونراجع العقد ونشوف امكانية التعديل للنقاط اللي انت عايزها ،

هو : فقولت له خلاص هجيب معايا #المستشار_الشرعي بتاعي و هو يقعد معاكم ونوصل لحل للطرفين يحافظ على حقوق الشركة وحقوقي .

أنا : وبالفعل، رحت الشركة وبدأنا الجلسة مع موظف البيع لحد ما وصلنا لمدير المبيعات، وبعدها مجلس إدارة الشركة.

شرحت لهم وجهة نظري بشكل بسيط وسهل، عشان أوضح إن أنا مش مجرد بقول إن الحاجة حرام وخلاص، ولكن كل حاجة ولها حل.

بالفعل، الناس في الشركة كانوا متعاونين جداً وقالوا لي: إحنا بالفعل استفتينا في العقد بتاعنا وراضين عنه، لكن من باب البيزنس والحفاظ على العميل ، لازم نحترم رأي العميل حتى لو كان مخالف لوجهة نظرنا.

📌( وعلى فكرة كان في مجموعة من إدارة الشركة بتتابعني على الفيس وعارفاني كويس ومع ذلك التغيير والتواصل كان بسبب العميل وسعيه ربنا بجعله في ميزانه )

فقلت لهم الأدلة الشرعية عشان خاطر أنا فعلاً خايف إنهم يقعوا في مخالفة شرعية والامر غير مرتبط بالعميل اللي معايا .

وأكدت إنهم لازم يستفتيوا شرعًا حتى لو حصلوا على فتوى مخالفة لرأيي، لكن المهم يكونوا سألوا أهل العلم الثقات الذين يثقون في ديانتهم.

📌✌🏻في النهاية، وافقوا على تعديل شرط غرامة التأخير وحفظ الملكية، واستبدلنا غرامة التأخير بفسخ العقد بعد شهر من التأخر في السداد، واستبدلنا شرط حفظ الملكية بحظر البيع .

📍طيب أنا ليه بحكي لكم القصة دي؟
عشان تدعوا للعميل على بذله و تضحيته ،و ربنا يبارك له
وكمان عشان تعرفوا إنكم تقدروا تغيروا الواقع بتاعكم وتوصلوا لحل للمشاكل اللي بتواجهكم ومش مطلوب منك تغير العالم " غيرك نفسك ومن تعول فقط في البداية " .

احنا غيرنا عقد شقة واحدة بس، ولكن لو فيه طلبات كتير من العملاء، الشركة هتستجيب وتغير كل عقودها.

📍ويا ريت تقولوا للشركة نصيحة هما أكيد هيتابعوا البوست ده ، خاصة وكالعادة هما مش مقتنعين ان في فئة كبيرة بتترك الشراء بسبب العقود ، مع اني عرضت عليهم البوست اللي فات

و جزاكم الله خيرًا.❤️

#باسم_عليوة
#شريعة_أوديت
#التطوير_العقاري
#المشاكل_الشرعية
#العملاء