[الرهيب]

نكته وحكمه

النكته بتقول ...
سواق تاكسي ركب معاه واحد مسطول
وقاله توديني فين وتاخد كام؟

رد عليه سواق التاكسي
وقاله ادفع اللي تدفعه وانزل هنا

طيب ايه الحكمه؟
بعد خبره سنين ونقاشات ومناهدات طويله
لو اتسألت سؤال عجيب يدل على ان اللي بيسأله
يا اما شخص ابله او جاهل او مسطول او مجنون
في الحاله دي يا متردش خالص يا ترد زي سواق التاكسي

اما بقى حكاية انك تشرح وتوضح وتناقش وتناهد دي يبقى هتقضي باقي عمرك في المستشفى يا اما في سرايا المجانين

زي واحد بيسأل واحد صاحبه
انت ازاي رايق كده ومحافظ على صحتك؟
قاله انا ببساطه لما حد يجادلني بقوله عندك حق

قام صاحبه رد عليه وقاله وهو متضايق
ازاي تقول كده مش يمكن انت اللي صح؟!!
رد عليه وقاله انت صح عندك حق

توديني فين وتاخد كام؟
ادفع اللي تدفعه وانزل هنا
انزل بقى بسرعه

ــــ عمرو سعد