بنت الجنوب بصرحة اشكرك على هذا الجهد وهذة العقلية وهذة الاسبقية
واروحنا واولادنا واموالانا فداء الدين ثم الوطن وكل ذلك يهون
وانا اشارككم بقصيدة للشاعرالكبير خلف بن هذال لتواكبها مع الحدث
مع بض التعديلات للتتوافق معه من حيث الاشخاص والمكان
وانا من اشد المعجبين بهذة القصيدة واسئل الله ان ينصر بلادنا
ويديم علينا نعمت الدين والامن وان يحفظنا بحفظه
يالله يالله فزعتك يارحيم وياودود = ياكريم عند دفع المصايب يسألا
ياجواد(ن) كل من جاد من جودك يجود = يامشرفنا بحمل الكتاب المنزلا
ماسجدنا إلا لوجهك لطاعتك السجود = بأمرك احداث الليالي تحل وتفتلا
إلتفتنا للحرايب ووثقنا القيود = خطة(ن) تبرم وتضرم وجهد(ن) يبذلا
حرك الفتنه عميل الشيوعي واليهود = هامل الجدين مسرج ظهور الهملا
جعل يوم جاب الحوثي يوم(ن) مايعود = المشاكل تصطلي والخطر منه إصطلا
إعقلوا عدو الإسلام بعقال القعود = خلوا النازي يشم التراب مكبلا
إنشق البارود حتى يطيب لنا الكبود = وإسحب أذيال الهزيمه وناد إلك إزملا
أنت حربك خاسره لو حشدت أكبر حشود =مقبرتك إممهده عاجله ماتجلا
تنتظرك النار بين النصايب واللحود = قاتل المسلم يمر القصاص ويقتلا
الهوى والنفس غرتك يالنجس الحقود = تذبح الأطفال والمرضعات الرملا
أنت ماتربطك معنا مواثيق وعهود = الخيانه تربطك مع قليلين الحلا
وأنت شخصك مزدوج لاتقاد ولاتقود = الحيا عن كل وجهك تجلا وإنجلا
وجهك اسود مثل ليلك لك الأيام سود = حافله بعلوم فيها العواقر حملا
ماخبرنا بباطل ساد والله مايسود = إنتصار الحق مضمون رغم السفلا
كان لك تاريخ في مزبلة عاد وثمو د= منكر(ن) ماودعك ربك وماقلا
يوم ولعت الفتيله وقربت الزنود= ثلث جيشك عندنا اسرى وثلثين قتلا
سدنا ماهرفلو به رديين السدود = حظنا عالي وفي قمة العز إعتلا
من تلوى في ذرانا يبى يلقى سنود = كم غريب(ن) في حمانا نسى الهم وسلا
ربما من ضارة(ن) نافعه تبني وجود = وإن دعتنا المعركه مرحبا وأهلا هلا
ياوطنا ياوطنا عمت عين الحسود = ماتهزك لازوابع ولا غدر عملا
ياوطنا لاتزعزع وحنا لك جنود = البلا نصب وفوقه مقابيس البلا
غطرفي يابنت وأرمي علينا بالورود = وإرقدي بأمان رب السماوات العلا
كل ماذعذع من الشرق والا الغرب نود = إحترك زرع المحبه وبالطيب إمتلا
السراه تعاكس الريح عن صحراء النفود = والخليج وساحل البحر الأحمر ماجلا
البلاد مقيم ومكرسين لها الجهود = والوكيل الله ولا ضاع للحق وكلا
والعدا لاتشتبه في الخوراط والحدود = الحدود من الحديده إلى أقصى كربلا
قد رفعنا في سماه العلم فوق العمود = بين رجم من الجماجم وحشد من الملا
وقعة(ن) زلزالها مثل زلزال الرعود = في نهار(ن) فيه صم الرمك ترم الفلا
ملحمين سيوفنا في المناكب والعضود = ومطعمين رماحنا بالقلوب وبالكلى
ياكلاب المجزره يامسحبة الجلود = الخلا عن دارنا والخلا مير الخلا
ياجنوب المملكة كلنا والله الجنوب = قطعة(ن) منا وفينا وعدت مجملا
وكلنا للتضحية والتصدي والصمود = من يريد منازلتنا نقوم له إنزلا
مادخل في صفنا مرجفون ولا شرود = تعقل العيّال منا وحنا العيّلا
الشجاعه ورث أهلنا جدود عن جدود = للعوارف دار ندوه وللجهل جهلا
كل مدرك يعلم إنا على الشِطه نزود = والسفيه نخاطبه لاولالا وألف لا
قادنا بالله بن عبدالعزيز بن سعود = وإقتنعنا بالقياده وأخذ منا الولا
الزعيم اللي عن العرب وأوطانه يذود = قايد(ن) للحرب والضرب يِتلا ماتَلا
عزك الله ياملكنا وللكايد تكود = ضاع كيد دماغ غل(ن) تغلغل ثم غلا
إحتميت الأرض والعرض والدنيا ركود = والوطن فينا بدم القلوب مسجلا
جيشنا فيك أملنا على النصر معقود = أنت رمز أمجادنا والشعار الأمثلا
مومن(ن) تصمد لنص الصوادر والورود = بالأمانه والفدا والجهاد محمّلا
فاد عن شبه الجزيره ولاتخلف وعود = العمل الحين وشوي ماهوب أولا
وإلبس أنواط الشرف والكرامه والخلود = ماتقوم إلا تجيب اللزوم مكمّلا
وجّه النيران وإسحب من المجرم وقود = طِق راس الشر والكيف جاك مهيّلا
ابو متعب قاسي الباس حلال العقود = طيب المبدا طويل الذراع الأخطلا
وعشت ياسلطان قدّ المهمه والقدود = ابو خالد فيه كل الدفاع إمثلا
وسمّ ياطيّار وإصعد وعادتك الصعود = خلّ الأرض مزلزله والحريب مزلزلا
واصل الغارات وإخذ القنابل بالردود = هِلها فوق المسّلح وخلّ العزّلا
ماذكر بالحنظله غصن ينفع منه عود = شجرةٍ لاشرب فيها ولا فيها كلا
وسلاااااامتكم \ وفديت ترابك يا بلادي