[بايع الورد]

يا ناعس الطرفين ربي يجازيك
تعبت ما بينك وبين الزماني
مدري نداري الدهر والانداريك
الدهر يحداني وحبك رماني
وش جاك مني يا أدعج العين وش فيك
حيرتني وأشغلتني في مكاني
أرفق بحالي جعل ربي يخليك
ضحكت حسادي وشمت عدواني
خليتني أمشي في دروب التهاليك
حافي القدم والساق والله واني
وأنا الذي والله قلبي مصافيك
سكنت في روحي وفي جوف وجداني
عليش ما ترفق على قلب مغليك
أرفق على اللي جار فيه الزماني
مهما يطول البعد ماني بناسيك
أنا أشهد إن الله بحبك بلاني
أنا رأس مالي ذكرياتي بماضيك

دايم على ذكراك أسهر وأعاني
مرات ترجع لي وتحيي الأمل فيك
ومرات تهجرني على زود حرماني
أتعبتني وأهلكتني في تغليك

وفجرت في قلبي هواجيس وأحزاني
سودت عيشة من يحبك ويرجيك

حسبي عليك الله وأعلى زماني
تراني أوفى لك من اللي حواليك
وأرحم من العربان وفلان وفلاني
بايع الورد
اعتذر لعدم استجابة تنسيق القصيده اتمنى من المشرف على المنتدى او من له القدره التكرم مشكوراً بتنسيق القصيده..