يدوم عز الوطـن ويـدوم حكامـه
ويبقى وطنّـا بحفـظ الله سبحانـه
حنا جنود الوطن والعـز ووسامـه
عادات جيش الوفا في خدمة أوطانه
حنا حماة الوطن جيشـه وخدامـه
قليل لو تذهب الأرواح مـن شانـه
جيش الوطن درع بيت الله وحزامـه
دون الوطن نتحـد شيبـه وشبّانـه
الطفل في سلمنا في حـزة فطامـه
نعلمه كيف يلبـس ناصـع أكفانـه
يا هيه يا بو يمن ..وإسمك بمرسامه
حب الوطن عندنا يرجـح بميزانـه
الحوثي التيس غرّه واهـي أحلامـه
الغادر إللـي علينـا شـب نيرانـه
الحوثي إللي يعيش بكاذب أوهامـه
(دخان) ذاك (الجبل) بيشـم دخانـه
الحوثي إللي مشي للموت باقدامـه
ما يدري إن الوطن محميه أركانـه
ما يدري الحوثي إن المـوت قدامـه
ساقه على الموت يالاجواد شيطانـه
يخسا.. وحنّا بيدنا الامـر وزمامـه
ما ينفعه دعـم حـزب الله وإيرانـه
الحوثي النذل حانت ساعة إعدامـه
صاروووخ واحد يذبّح كـل فيرانـه
هذا السعودي رفيع الراس والهامـه
وهذا العلم مرتكز في وسط ميدانـه
يا داار يادار ما تمسيـن منضامـه
ولا يعكـر مزاجـك نعـق غربانـه
الدار في مبتدى الموضوع وختامـه
وإللي تعدى عليهـا نقطـع لسانـه
.
.
.
أبوخاااالد
"إبن الوطن"