[اميرة القمر]

راح اقول رأيي بصراحه وارجو انو ما احد يزعل مني لأنو هذا الواقع للأسف : للأسف بعض الشباب السعوديين مادري كيف يفكرون !!! يعني ماراح تلاقو شخص يشتم بنات بلده سواء في النت او في الجوال مثل السعودي مسجات وتعليقات ونكت سخيفه مثل سخافتهم والبنت السعودية فيها والزوجه السعوديه فيها وهو الأهبل ما شاف غير امه وزوجته واخواته يعني هو قاعديشتمهم امه واهله ومضحك الناس عليه ... يعني ما يشتم السعوديات.......... ويعتبر البنت المثقفه وقوية الشخصيه الي تجادل وتاخذ وتعطي وتعبر عن رأيها انها خارجه عن الدين و العادات والتقاليد ومفكر ان هذا الشيئ يعطيه الحق انو يتمادى وهذا شي مو صحيح بس قلوبهم المريضه هي الي تصورلهم هالأوهام عيب والله هذي بنت بلدك واختك لازم تكون شهم معها واخ لها ... هذاغير حركات البصبصه لبنات الناس اتذكر كان كان لي زميله مصريه كانت مشرفه للباص الي يوصل الطالبات وقالتلي يا اميرة انتو السعوديات جدا ذوق بس بعض رجالكم مش كويسين تقول تصوري امس العسكري وقف الباص ورفض يتفاهم مع السوق طلع جوات الباص وصار يعمل حركات ويتميلح ويرمي الرقم حركات عيب تصدر من رجل محترم تقول انا تضايقت لانو فكرني اجنبيه فيفكر اني حعطيه وجه ... طبعا انا وضحتلها انو مش كلهم كذا قالتلي معليش يا اميرة اسمحيلي اقولك انو اغلبهم كذا ... وكمان كان عندي صديقة سوريه تقولي بعض السعوديين يجو سوريا ويعملو عمايل الواحد يستحي يقولها تقول مفكرين سوريا مافيها غير الحريم تقولي سوريا بلد حضارة سوريا فيها مناطق سياحية ومتاحف ومسجد الأمويين تقول بس هم اجو عنا عشان الحريم المنبوذات عندنا وكلنا اهل البلد ننظر لهم نظرة مش منيحة وما بنحتك فيهم .. وبصراحة ان تناقشت معها وبينت لها انو هذولا حثاله وما يمثلون السعودية هم يمثلون نفسهم واخلاقهم وتربيتهم فقط بس بيني وبينكم انا من جوات نفسي استحيت من كلامها معاها حق ما اقدر الومها وبالمقابل فبعض السعوديين محترمين وفيهم شهامه ورجولة