تبقى قصائد الغزل والعشق
لها مفعول السحرومطلب لمحبي الشعر
في كل زمان وهذة
قصيدة غزلية اتمنى ان تنال اعجابكم وهي بعنوان
(يابنت)
يقـول ابـو الفيصل حياته حـزينة
والدمع من عينه على الخد منثور
عـقب الـوليف القلب تسمع انينه
ريـم الفـلا كنها بنية مـن الحـور
الـبـدر نـوره يعكسه مـن جـبينه
والخد ورد ونور ثغره على نور
قطع حبال الوصل وارخى يدينه
من بعد ما حبيته اسنين واشهور
يـاهـل العقـول الراشـدة والرزينة
مصيبتي حبيت باحساس واشعور
في بحرها غرقان ولامست طينه
اشهق واعد انفاس والف وادور
كم فارس(ن) مغوار عـذرى كمينه
وبرمشها يسقـط ولـوكـان مخـبور
ياخيزران العـــود ياغــصن تينة
القلب يخفق والعقل صار مخمور
يــابـنت عهــدي فيك للحب امينة
جودي عليه قبل ما اصير مقبور
الشـور ياهــل الشـور يـاضامنينـه
محتاج لاهل النصح ومحتاج دكتور
يـالله ذا عـبـدك والاسـلام ديـنـه
تجـاوز الزلات والـذنب معـفـور
وسلاااااااامتكم
بقلم الشاعر /ابو الفيصل