[ابو خالد]

الله من ليل قضيته على الكوع
ماجاز نومي والخلايق هجوعي
ليل قضيته بس ونات ودموع
والحر من ضيم الليالي جزوعي
يقطعكـ ياحظ على الشين مطبوع
ولأنته موردني طريق السنوعي
مشيتني في درب تاليه ممنوع
وصعب على عقب المسافه رجوعي
أصبحت به تابع ولاني بمتبوع
وضيعت من طول المسافه رجوعي
درب حرام ومسلكه غير مشروع
والقلب من ممشاه ماهو قنوعي
وحصلت به من النسانيس ذعذوع
بارد هوي يطفي لهيب الضلوعي
وتغير صوت النسانيس بطلوع
مع صوت عاصوف سمومه تروعي
وضيعت صوت كان بالدرب مسموع
صوت صداه مبين بالسموعي
وعقب أنقطاع الصوت عودت مقطوع
وزاد العطش والخوف وازداد جوعي
ولديت يم القاع لي فيه مشروع
أبغى على الجره يصير الرجوعي
لكن عاصوف الهوى هب بسروع
وأثر على الجره بسرع الرجوعي
----عجب ياصاحبي عجب---