[عـ القناص ـزوز]

قصة غرامك
_________________
لاهمني قربك ولاهمني رضـاك
والله ولا ذكرى فـقلبي تجيبـك

قصة غرامك حطها حدر ماطاك
عسى وهمها في الليالي نصيبك

ذاك الغلا يومه عن الناس بداك
للأرض ..عقب الثريـا بجيبـك

دوّر على غيري اذا كان يبغـاك
خليت للأيام .. طيبـك وعيبـك

اللي يدور عشرتك كنـه ايـاك
ذاتك .. وذاتك بس وحده حبيبك

والله لابيعك واجرحك واتحـداك
يوم كشفت لي سود الايام غيبك

ماعاد تلقى بي حنيـنٍ لذكـراك
محيت من قلبي .. غلاتك وطيبك

كرهك شربته ظاميٍ من سواياك
قهرت قلبي .. جعل ربي حسيبك

الصد عندي .. من بقايا عطاياك
لابوك ..لابو..كل طاري يجيبـك