السلام عليكم ورحمة الله وبركاته
قصه قصيره
لأحداث واقعيه
بأفكار من خيالي
أميره : ياامه بكره اول سنه في الجامعه ويبي لي أغراض وميزانيه للجامعه ومدري وش الشور ياامه وهذي أول سنه وباقي ست سنوات الين مااخذ الشهاده
الأم : خليها على ربك يابنيتي اصلا" ماصرنا نملك الا السلسال الفضي اللي حول رقبتك وهذا آخر شي من ريحة المرحوم ,ولكن أهل الخير موجودين مع انهم في هالزمن قله
أميره : تصبحي على خير ياامه
الأم : وانتي من أهل الخير يابنيتي
صباح اليوم الثاني
الأم : ابشري يابنيتي بالخير مرنا اليوم ابو عبد الرحمن وسجلونا بالضمان الاجتماعي وان شاء يساعدنا
أميره : الله يبشرك بالخير ياامه
أحمد ولد الجيران : السلام عليكم . كيفك يابوي , كيفك ياامه
ابوأحمد :هلا ياولدي بشر كيف العمل معاك ان شاء الله مو متعبك .
أم أحمد : معليك يابو أحمد ولدك رجال وماناقصه الا يكمل نص دينه
ابوأحمد : هذي الساعه المباركه ياام أحمد شوف مين يبي وحنا حاضرين نخطب له
أحمد : والله يابوي مافي غيرها تصلح لي بنت مؤدبه ومحترمه ومتدينه وهذا أهم شي
ابو أحمد : من هي ياولدي
أم أحمد : أحمد قد كلمني عن بنت جارتنا أميره
ابو أحمد : ماغيرها أميره الفقيره.
احمد : ياابوي الفقر مو عيب وبعدين مثلك عارف انا موظف شركه وبنات الجماعه ماراح يقبلون فيني وكم مره رفضوني لها السبب
أم أحمد : وهو صادق يابو أحمد والله البنت مافيه شي يعيبها
ابو أحمد بنظره متعاليه : اقول هذي البنت مو من مستوانا شوفوا غيرها
أحمد : بس أنا ماراح اتزوج الا هي والا ماراح أتزوج
ابو أحمد : أجل بتجلس بدون زواج , لأن مالك نصيب في الفقيره أميره
بعد مرور سبع سنوت
أميره : أبشرك ياامه تخرجت وصرت دكتوره والحين أعوضك عن السنين اللي راحت
الأم : الله يبشرك بالخير يابنيتي الحين ارتحت بعد ما نفذت وصية أبوك والله يرزقك بابن الحلال اللي يسترك ان شاء الله
أميره : آمين ياامه
أم أحمد : يابو أحمد تر أميره تخرجت وصارت دكتوره وش رايك نخبها لأحمد
ابو أحمد بنظرة استحياء : خلاص كلمي أحمد
أم أحمد : تعال ياأحمد كلمت ابوك ووافق على أميره
أحمد : يوم صارت دكتوره ليه مايوافق من اول’ مو هذي الآدميه اللي مو من مستوانا، لاتفرحي كثير ياامه
أميره خطبها الدكتور الأسشاري زاهر زميلها بالجامعه ومن مستواها والزواج الخميس المقبل
ابو أحمد : خلاص ياولدي مالك نصيب في الدكتوره أميره
ثقافة مجتمع
ذاكررر