[ابو نضال]

لحظه غروب وكنها لحظه اشراق
والشمس لعناد البحر مستعده
والعمر منثورفي آفاق الآفاق
ما كن عداد الليالي يعده
ياجده الي جيت لك حيل مشتاق
عهد(ن)قريب وكن لي عنك مده
جيتك من الكون الرحيب الذي ضاق
احمل سلام(ن)مالقي من يرده
احمل لقاء وافراح واحزان وافراق
عهد وخيانه وانزعاج وموده
ادري جميع الناس للبحر عشاق
ولاني اول من تولع بجــــــــده
لكن ذوقي غير والعالم اذواق
ذوقي هوى ماله حدود تحده
ولا انكر ان بداخلي قلب خفاق
لكن تعلمت افقده واسترده
امس البحر غدار والبحر صفاق
واليوم وقفت البحر عند حده